Astana – Mıneraldy sýlar tikeleı áýe reısi ashyldy
ASTANA. KAZINFORM — Qazaqstan Respýblıkasy Parlamentiniń Senaty men Reseı Federaldyq Jınalysynyń Federatsııa Keńesi arasyndaǵy Yntymaqtastyq jónindegi komıssııanyń jumysy aıasynda Astana – Mıneraldy sýlar baǵyty boıynsha tikeleı avıareısti iske qosý jóninde ýaǵdalastyqqa qol jetti. Bul týraly Senattyń baspasóz qyzmeti habarlady.
«Tikeleı áýe reısi eki el arasyndaǵy ekonomıkalyq jáne mádenı baılanystardy nyǵaıtýǵa yqpal etedi. Reıs sondaı-aq Qazaqstan men Reseı turǵyndarynyń týrıstik jáne iskerlik saparlaryna qolaıly múmkindikti qamtamasyz etetin bolady», — delingen habarlamada.
Qazaqstan Parlamenti Senaty Tóraǵasynyń orynbasary Jaqyp Asanov pen Reseı Federatsııasy Keńesi Federaldyq Jınalysy Tóraǵasynyń birinshi orynbasary Andreı ıAtskınniń tóraǵalyq etýimen ótken komıssııanyń XX otyrysynda osy máseleni sheshý jónindegi ýaǵdalastyqqa qol jetkenin atap ótken jón.
