Astana men Kókshetaýda ekinshi aýysym oqýshylary mektepke barmaıdy
Astana men Kókshetaý mektepterindegi ekinshi aýysymdaǵy oqýshylar onlaın oqıtyn boldy, dep habarlaıdy Kazinform.
«Aýa temperatýrasynyń mınýs 36 gradýsqa tómendeýine baılanysty 12 jeltoqsanda Kókshetaý qalasy mektepteriniń ekinshi aýysymdaǵy 1-11 synyp oqýshylary qashyqtan oqıdy», - delingen qalalyq bilim bóliminiń habarlamasynda.
Sonymen birge, Atbasar aýdanynda da mınýs 32 gradýs aıazǵa baılanysty birinshi jáne ekinshi aýysymdaǵy 0-11 synyp oqýshylary qashyqtan oqýǵa aýystyryldy.
Sonymen qatar Astana qalasynyń bilim basqarmasy da 12 jeltoqsan kúni aýa raıynyń qolaısyzdyǵyna baılanysty ekinshi aýysymnyń 0-11 synyp oqýshylary, 1-2 kýrs kolledj stýdentteri úıden oqıtynyn habarlady.
Aıta ketsek, budan buryn 12 jeltoqsanda elimizdiń 7 qalasy men 3 oblysynda sabaq onlaın ótetinin jazǵan edik.
