Astana máslıhatynyń tóraǵasy saılandy

ASTANA. KAZINFORM – Zeınulqabden Tabıǵat Astana qalasy máslıhatynyń tóraǵasy bolyp saılandy.

Qalalyq máslıhatta Astana qalasy máslıhaty tóraǵasynyń m. a. Asqar Smaǵulovtyń tóraǵalyǵymen segizinshi saılanym máslıhattyń kezekten tys sessııasy ótýde.

Kún tártibinde Astana qalasy máslıhaty depýtatynyń ókilettigin merziminen buryn toqtatý týraly másele, Astana qalasy máslıhatynyń tóraǵasyn atqaratyn qyzmetinen bosatý týraly másele, sondaı-aq Astana qalasy máslıhatynyń tóraǵasyn saılaý týraly másele qaraldy.

Sessııa qorytyndysy boıynsha Zeınulqabden Tabıǵat Astana qalasy máslıhatynyń tóraǵasy bolyp saılandy.

Ol 1974 jyldyń 3 qazanynda Pavlodar oblysy Baıanaýyl aýdany Jantilek aýylynda dúnıege kelgen. Úılengen, úsh balasy bar.

Zeınulqabden Tabıǵat S. Seıfýllın atyndaǵy Aqmola agrarlyq ýnıversıteti (1998 j.), «Ekonomıst-menedjer» mamandyǵyn; M. Nárikbaev atyndaǵy Qazaq gýmanıtarlyq-zań ýnıversıteti (2002 j.), «Quqyqtaný» mamandyǵyn; M.H. Dýlatı atyndaǵy Taraz memlekettik ýnıversıteti (2002 j.), «Sý resýrstary jáne sýdy paıdalaný» mamandyǵyn bitirgen.

Eńbek qyzmeti:

• 03.01.1996 j. - 18.10.2002 j. – «Tselınstroı» JShS jabdyqtaý ınjeneri, Aqmola q.;
• 08.11.2002 j. - 16.01.2004 j. – «Qaraǵandy Jylý» JShS BE BPP bastyǵynyń orynbasary, Qaraǵandy q.;
• 19.01.2004 j. - 30.11.2005 j. – «Qar MunaıTreıdıng» JShS dırektory, Qaraǵandy q.;
• 01.12.2005 j. - 13.01.2009 j. – «Qaraǵandy Sý» JShS atqarýshy dırektory, Qaraǵandy q.;
• 15.01.2009 j. - 01.12.2009 j. – «Qanysh Sátbaev atyndaǵy kanal» RMK bas dırektorynyń orynbasary, Astana q.;
• 19.09.2011 j. - 15.05.2012 j. – «Tulpar-Talgo» JShS jabdyqtaý bastyǵy, Astana q.;
• 25.12.2012 j. - 18.08.2014 j. – «Arystan «BuildingCompany» JShS, «Transstroıgrýpp» JShS dırektory, Qaraǵandy q.;
• 19.08.2014 j. - 08.08.2016 j. – «Qaraǵandy Sý» JShS bas dırektory, Qaraǵandy q.;
• 20.08.2016 j. - qazirgi ýaqytqa deıin - Astana qalasy ákimdiginiń «Astana sý arnasy» ShJQ MKK bas dırektory.

Eren Eńbegi úshin» medali (2015 j.), «Qurmet» ordenimen (2022 j.) nagradtalǵan.

2023 jylǵy 29 naýryzda Astana qalasynyń máslıhatynyń VIII saılanymynyń depýtaty bolyp saılandy.

Eske salsaq, jaqynda Astana máslıhatynyń tóraǵasy Erlan Kanalımov qyzmetinen ketkenin jazǵan edik.