Astana mańynda medıtsınalyq zattardyń ruqsat etilmegen qoqys alańy anyqtaldy

ASTANA. QazAqparat - 26 jeltoqsanda METRO gıpermarketiniń janyndaǵy «Nurly jol» vokzalynyń aýdanynda medıtsınalyq qaldyqtardyń ruqsat etilmegen qoqysy anyqtaldy, dep habarlaıdy QazAqparat QR Ekologııa mınıstrliginiń baspasóz qyzmetine silteme jasap.

Astana qalasy boıynsha ekologııa departamentiniń qyzmetkerleri polıtsııa jáne sanıtarııalyq-epıdemıologııalyq baqylaý departamentteriniń ókilderimen birlesip, lastaýshy zattardy anyqtaý boıynsha zertteý jáne ólsheý júrgizý úshin sol jerge bardy.

«Tekserý barysynda polıgonnyń kólemi shamamen 50 m3 quraıtyndyǵy anyqtaldy. Polıtsııa departamentiniń jedel-tergeý toby materıal tirkedi. Budan ári qabyldanǵan sharalar týraly qosymsha habarlanatyn bolady»,-delingen habarlamada.

Foto: pbs.twimg.com