Astana kóshelerinde 1 tonna baýyrsaq tegin taratylady

ASTANA. QazAqparat - Astanadaǵy Saryarqa aýdanynda baýyrsaq festıvali jarııalandy, dep habarlaıdy «QazAqparat» HAA.

«Elordanyń 20 jyldyǵyna jáne Naýryz merekesine oraılastyrylǵan «Baýyrsaq Time» buqaralyq aktsııasy bastaldy. Dástúr men mádenıetimizdi ulyqtaıtyn joba bir aptaǵa ulasady»,-dep jazady óziniń Facebook paraqshasynda aýdan ákimi Arman Turlybek.

Apta boıy «Astana jastary» eriktileri qala turǵyndary men qonaqtaryna tegin baýyrsaq taratady.

«Búkil festıval aıasynda kúnine 4000 baýyrsaq taratylady. Barlyǵy 25 000 myń, ıaǵnı bir tonna baýyrsaq daıyndaý josparlanǵan»,-dedi ákim.

Josparǵa sáıkes «Baýyrsaq Time» 17 naýryz kúni 12.00-de astanalyq arbatta aıaqtalady. Festıval sońy kontsertke ulasady.