Astana Hub qashan bıýdjetke qol jaımaıtyn bolady
ASTANA. KAZINFORM — Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Astana Hub ortalyǵy óz-ózin aqtaıtyndaı deńgeıge jetý úshin neshe jyl kerektigin aıtty.

— Baǵana da aıttym, Astana Hub músheleri óz kirisiniń 1 paıyzyn alym retinde tóleıdi. Qazirgi tańda ortalyqta 1500-den astam kompanııa tirkelgen. Olardyń sany bizdiń boljamymyz boıynsha jyl saıyn 10-15 paıyz ulǵaıady. Astana Hub ózin-ózi aqtaý úshin eń az degende 4-5 jyl kerek. Qazir respýblıkalyq bıýdjetten 1,5 mlrd teńgege jýyq qarjy alyp otyr. 4-5 jyldyń ishinde osy soma birtindep azaıady, — dedi ol depýtat suraǵyna bergen jaýapta.
Eske salaıyq, Májiliste Astana Hub pen Innovatsııalyq tehnologııalar parkin biriktirý týraly zań jobasy birinshi oqylymda talqylanyp jatyr.