Astana halyqaralyq qarjy ortalyǵynyń bıýdjeti azaıady
Atap aıtqanda, aldymen 13,1 mlrd teńge, 2021 jyly 12,5 mlrd teńge, 2022 jyly 10,5 mlrd teńge bolady.
Respýblıkalyq bıýdjetten «AHQO Ákimshiligi» AQ-ǵa bólingen 48,1 mlrd teńge AHQO ıýrısdıktsııasynda tirkelgen Tikeleı ınvestıtsııalar qoryn kapıtaldandyrýǵa arnalǵan. Úkimettiń basqarýyndaǵy bul qordy kapıtaldandyrýǵa 35 mlrd teńge bólinip otyr.
AHQO-nyń 13,1 mlrd teńge bıýdjeti qarjy ortalyǵynyń ákimshiligi men organdaryna: sot pen tórelik ortalyqqa, AFSA retteýshisi men AIX bırjasyna bólinedi. Al 35 mlrd teńgelik kapıtalızatsııa sheteldik ınvestorlarmen birlesken jobalardy qarjylandyrýǵa jumsalady.
Qazirgi tańda tikeleı ınvestıtsııalar qorynyń jobalary boıynsha sheteldik tikeleı ınvestıtsııalardyń jalpy kólemi 155 mln AQSh dollaryn quraıdy. Bul jobalardyń barlyǵy birlese ınvestıtsııalaý prıntsıpimen júzege asyrylady. Qarjylanyrýdyń basym bóligi sheteldik ınvestorlarǵa tıesili.
«Álemdik ekonomıka úshin eń qıyn kezderde de Qazaqstanǵa sheteldik ınvestıtsııa toqtaǵan joq. Bul turǵyda el óńirlerindegi shıkizattyq emes jobalarǵa sheteldik ınvestıtsııa tartý arqyly KDIF qory da óz úlesin qosýda. Qolǵa alynyp jatqan jobalar qazaqstandyq mamandarǵa 4,7 myńnan astam turaqty jumys ornyn ashýǵa múmkindik beredi», – deıdi Tikeleı ınvestıtsııalar qory basqarýshy kompanııasynyń basqarma tóraǵasy Áset Ábdiǵapparov.
Barlyq jobalar shıkizattyq emes sektorǵa tıesili. Atap aıtqanda, agrarlyq sala, týrızm men óńirlik ınfraqurylymdy damytý. Bul jobalar Aqmola, Almaty, Mańǵystaý jáne Túrkistan oblystarynda iske asyrylady.
4 760 turaqty jumys ornynan bólek 2 360 maýsymdyq jumys orny ashylady. Turaqty jumys oryndary boıynsha bir jyldyq jalpy jalaqy qory 7,7 mlrd teńgeni quraıdy. Kásiporyndar 2025 jylǵa qaraı jobalyq qýattylyǵyna shyqqannan keıin bıýdjetke jylyna 6,1 mlrd teńge salyq tóleıdi.
Esterińizge sala keteıik, «Kazakhstan Investment Development Fund» Ltd qory el ekonomıkasyna ınvestıtsııa tartýdyń qosymsha quraly retinde 2019 jyly 30 qańtarda Qazaqstan Respýblıkasynyń Tuńǵysh Prezıdenti Nursultan Nazarbaevtyń jarlyǵymen qurylǵan edi. Qordyń bastapqy kapıtalızatsııasy shamamen 1 mlrd AQSh dollary boldy.
