«Astana» Halyqaralyq qarjy ortalyǵy dıqandarǵa ne usynady
«Astana» Halyqaralyq qarjy ortalyǵy departamentiniń dırektory Muhametqalı Taýannyń aıtýynsha, kópshiliktiń AHQO jumysy týraly túsinigi jetkiliksiz.
«Búgin kelýshilerge AHQO-nyń quramyna qalaı kirýge bolatynyn aıtyp beremiz. Jıynda ortalyqtyń artyqshylyǵy týraly bilip-estigen kez kelgen kásipker keıin ótinish jazsa jaýapsyz qaldyrmaımyz. Keıbirinde AHQO-ǵa tek iri bıznes ókilderi qabyldanady degen túsinik qalyptasqan. Bizdiń maqsat – osy uǵymdy joıý» - dedi Muhametqalı Taýan.
Onyń aıtýynsha, AHQO ınvestorlarǵa yńǵaıly bolý úshin bar jaǵdaıdy jasaǵan. Keıbir sheteldik ınvestorlarǵa Qazaqstannyń zańnamasy túsiniksiz bolyp, qaýpin týdyrýy múmkin. Ortalyq bul máseleni sheshýge kómektesedi.
«Anglııa men Ýelstiń quqyq qaǵıdaty boıynsha qurylǵan quqyqty qoldaný sheteldik ınvestorlar úshin qolaıly. Ol ǵalamdyq ınvestorlardyń 86% túsinikti», - deıdi M. Taýan.
Soltústik Qazaqstan – negizinen agrarly aımaq. AHQO dıqandar úshin de tıimdi bolýy múmkin.
«AHQO arqyly aýyl sharýashylyǵy taýaryn óndirýshiler de birneshe jolmen ınvestıtsııa tarta alady. Sonyń ishinde ortalyqtyń bırjasy arqyly ınvestıtsııa tartý múmkindigi bar. ıAǵnı, baǵaly qaǵazdardy shyǵarý, ıslam oblıgatsııalaryn, startap jiberý. Ol úshin birden AHQO ıýrısdıktsııasyna negizdený qajet emes. Dıqannyń oblys aýmaǵynda kásiporny, AHQO-da holdıngtik kompanııasy bolýy múmkin. Sonda ol AHQO-nyń barlyq múmkindikterin paıdalana alady. Máselen, ekspat-ortalyq degen bar. Ol «bir tereze» qaǵıdaty boıynsha jumys istep, 500-den astam memlekettik qyzmet túrin kórsetedi. Budan basqa, AHQO-da jeńildetilgen vızalyq jáne eńbek tártibi bar, salyqtan bosatylady. Taǵy bir basty artyqshylyqtyń biri – jergilikti bıznes ókili halyqaralyq arbıtrajdy ortalyq pen sotta óziniń daýly máselelerin sheshe alady», - deıdi Muhametqalı Taýan.
Indýstrıaldy-ınnovatsııalyq damý basqarmasynyń jetekshisi Arman Orazǵulovtyń pikirinshe, AHQO soltústikqazaqstandyq kásipkerlerdiń qyzyǵýshylyǵyn týdyrady. Óńirde jyldan-jylǵa ınvestıtsııa kólemi artyp keledi. Bıyl ol 122,5 mlrd teńgeni qurady. Oblys aýyl sharýashylyǵy salasyna ınvestıtsııa tartýdan el boıynsha kósh bastap tur. QR Prezıdentiniń tapsyrmasyna oraı elimiz shıkizatty eksporttaýdan bas tartpaq. Bıyl óńdelgen ónim kólemi 23% artyp, 132 myń tonnaǵa jetti. Óńirde sheteldik ınvestorlardyń qatysýymen birneshe joba júzege asyp jatyr. Bıdaıdy tereń óńdeıtin «KazMeal» kásiporyn iske qosyldy. Maıly daqyldardan suıyq maı shyǵaratyn «Taıynsha maı» zaýytynyń jumys istep jatqanyna ondaǵan jyl.
«Bıdaıdy tereń óńdeıtin zaýytty ashyldy. Dándi daqyldan krahmal men glıýten alynady. Glıýten AQSh naryǵyna kleıkovına jetkizetinder tizilimine engizildi. Jyl sońyna deıin bıoetanol óndirilmek. Oblystyń bıznes áleýeti joǵary. Búgingi jumystyń qorytyndysy boıynsha oblystyń bıznesi AHQO-men baılanys ornatady dep oılaımyn», - dedi Arman Orazǵulov.
