Astana halyqaralyq forýmyna álemnen 600-ge jýyq meıman keledi

ASTANA. KAZINFORM – Bıyl 29-30 mamyrda elordada álemdik kóshbasshylardy, sarapshylardy, ınvestorlar men bıznes ókilderin biriktiretin aımaqtaǵy eń iri iskerlik is– shara – Astana halyqaralyq forýmy (AIF2025) ótedi.

Ulttyq ekonomıka mınıstrligi taratqan aqparatqa súıensek, forým baǵdarlamasy búginniń negizgi syn-qaterlerin qamtyǵan plenarlyq sessııa men 25 pikirtalas alańynan turady. Álemniń túkpir-túkpirinen 600-ge jýyq sheteldik qonaq qatyspaq. Olardyń arasynda jetekshi saıasatkerler, halyqaralyq uıym, korporatsııa basshylary, ınvestorlar men ǵylymı top ókilderi bar.

AIF- 2025 forýmyna qatysýdy rastaǵandar:

Pol Kagame – Rýanda Respýblıkasynyń Prezıdenti;

Edı Rama – Albanııa Premer-mınıstri;

Andreı Plenkovıch – Horvatııa Respýblıkasynyń Premer-mınıstri;

Mýhammed bın Abdýlrahman Al-Tanı – Premer-mınıstr-Katar Syrtqy ister mınıstri;

Pan Gı Mýn – BUU 8-Bas hatshysy, Green Global Growth Institute tóraǵasy, «Boao Forum for Asia» dırektorlar keńesiniń tóraǵasy;

Alen Berse – Eýropa Keńesiniń Bas hatshysy;

Tsıýı Dýnıýı – BUU Azyq-túlik jáne aýyl sharýashylyǵy uıymynyń bas dırektory (FAO)

Emı Poýp – Kóshi-qon jónindegi halyqaralyq uıymnyń bas dırektory (IOM);

Matıas Kormann – EYDU bas hatshysy;

Daren Tang – Zııatkerlik menshik jónindegi dúnıejúzilik uıymnyń bas dırektory;

Antonella Bassanı – Eýropa jáne Ortalyq Azııa aımaǵy boıynsha dúnıejúzilik banktiń vıtse-prezıdenti;

Haolıan Sıýı – BUU bas hatshysynyń orynbasary jáne Damý baǵdarlamasy ákimshisiniń orynbasary;

Tszın Lıtsıýn – Azııa ınfraqurylymdyq ınvestıtsııalar bankiniń (AIIB) prezıdenti jáne dırektorlar keńesiniń tóraǵasy;

ıÝrgen Rıgterınk – EQDB birinshi Vıtse-prezıdenti;

Kýbanychbek Omýralıev – Túrki memleketteri uıymynyń bas hatshysy;

Sebastıan Kýrts – Avstrııanyń 26-Federaldyq kantsleri.

Pikirtalas taqyryptaryna kelsek, bıyl AIF jahandyq kún tártibindegi negizgi úsh baǵytqa nazar aýdarady:

- Syrtqy saıasat jáne halyqaralyq qaýipsizdik;

- Energetıka jáne klımattyń ózgerýi;

- Ekonomıka jáne qarjy.

- Astana halyqaralyq forýmy 2025 ınvestıtsııa úshin jahandyq básekelestik dáýirinde ótkizilip, Qazaqstannyń álemge ashyqtyǵyn kórsetedi. Bizdiń elimiz iri álemdik korporatsııalar men qarjy ınstıtýttarynyń nazaryn aýdara otyryp, Ortalyq Azııadaǵy óz pozıtsııasyn nyǵaıta túsýde. Aýqymdy reformalar, zańnamany jańǵyrtý men ınvestıtsııalyq ahýaldy jaqsartý eldiń damýyna jáne onyń ekonomıkalyq múmkindigin keńeıtýge yqpal etedi. Forýmnyń mindeti – ashyq dıalog pen sheteldik kapıtal tartýdyń, strategııalyq kelisimder jasasý men ekonomıkalyq damýǵa arnalǵan bastamalardy ilgeriletý úshin mańyzdy platforma bolý, - delingen habarlamada.

Sondaı-aq AIF2025 aıasynda Qazaqstannyń negizgi áriptesterimen ekonomıkalyq baılanystardy nyǵaıtýǵa arnalǵan birqatar bıznes-forým josparlanyp otyr:

- Qazaqstan-Frantsııa bıznes-forýmy (2025 jylǵy 28 mamyr);

- Qazaqstan-Italııa bıznes-forýmy (2025 jylǵy 28 mamyr).

- Atalǵan is-sharalar halyqaralyq yntymaqtastyq, tehnologııa almasý jáne birlesken ınvestıtsııalyq jobalardy iske asyrý úshin jańa múmkindik bermek, - deıdi Ulttyq ekonomıka mınıstrliginen.

Eske sala ketsek, bıyl aqpanda Úkimet basshysynyń Astana halyqaralyq forýmyn ótkizý týraly ókimi shyqty. 

Keıin Astana halyqaralyq forýmynyń shyǵynyn demeýshiler kóteretini belgili boldy.