Astana el damýynyń tiregine aınaldy - Áset Isekeshev

ASTANA. QazAqparat - Búgin elordanyń Almatydan Astanaǵa kóshirilgenine 20 jyl tolǵan kún. Osynaý aıtýly dataǵa oraı Astana ákimi Áset Isekeshev astanalyqtar jáne qala qonaqtaryna quttyqtaý joldady, dep habarlaıdy QazAqparat.

«Sizderdi 10 jeltoqsan - elordanyń Almatydan Astanaǵa kóshirilgen kúnimen shyn júrekten quttyqtaımyn! Osydan jıyrma jyl buryn, dál osy kúni egemen elimizdiń tarıhynda, Elbasynyń taǵy bir strategııalyq mańyzy zor ıdeıasy júzege asty. Halqymyz el bolǵaly óz astanasyn ózi tańdap, saıası-ákimshilik, mádenı-rýhanı ortalyǵyn belgiledi. Memleket tarıhyndaǵy uly kósh eldiń de, Elbasynyń da úmitin aqtady dep esepteımin. Búginde Astana ózge óńirler boı túzeıtin qala ǵana emes, el damýynyń tiregine aınaldy. El órkendeýiniń jańa paraǵyn ashqan osy kún jyly estelikterge toly tarıhı kúnge aınaldy. Astanamyz órkendeı bersin, eldigimiz máńgi bolsyn! Denderińizge saýlyq, otbasylaryńyzǵa bereke tileımin!», - deıdi Áset Isekeshev quttyqtaýynda.

Áset Órentaıulynyń  quttyqtaýy Astana qalasynyń resmı saıtynda jarııalandy.