Astana ekonomıkalyq forýmynda qazaqstandyq «g-global» ıdeıasy talqylanbaq
dep habarlady pm.kz saıty.
Esterińizge sala keteıik, 2011 jyldyń 15 jeltoqsanynda el egemendiginiń 20 jyldyǵyna arnalǵan saltanatty jıynda Elbasy jańa kommýnıkatsııalyq alań qurý týraly ıdeıa aıtqan bolatyn.
«Jańa kelissózder alańyn «G global jobasy» dep ataýdy usynamyn. Ol elektrondy júıeli Bretton Výd ispetti qyzmet etpek. Al qyzmet alańy Astana ekonomıkalyq forýmy bola alar edi» dep atap ótken Elbasy.
2012 jyldyń qańtarynda tek Qazaqstannyń ǵana emes, óziniń jáne álem ekonomıkasynyń damýyna múddeli barlyq ǵalymdar, bıznes-qaýymdastyq ókilderiniń basyn qosqan «G - Global - kommýnıkatıvti alań» atty biregeı jobasy bastalǵan.
Bul - álemniń 143 elinen 8 myń belsendi paıdalanýshynyń basyn biriktirgen halyqaralyq vırtýaldy joba. Joba qarjy daǵdarasynan shyǵýdyń joldaryn talqylaýǵa arnalǵan. «G-Global» alańy iske qosylǵannan beri shamamen 2 200 saraptamalyq sholý, 170 joba jarııalanyp, ártúrli taqyryptaǵy 15 myń pikirtalas men debat ótken.
«Men Eýrazııalyq ekonomıalyq klýbtyń ǵalymdary ınnovatsııalyq tehnologııalardyń artyqshylyqtaryn paıdalana otyryp, Astana Ekonomıkalyq forýmynyń jumysyna qoldaý bildiredi dep senemin», deıdi 1994 jyly ekonomıka salasynda Nobel syılyǵynyń laýreaty atanǵan Djon Nesh.
G-global jańa Álemdik Instıtýtynyń qurylýy jáne iske qosylýy- shynymen de jahandyq bastama. G-global suhbat alańyn zamanaýı baılanys quraldaryn paıdalaný arqyly iske asyrýdy usynyp otyr, aqparat alýdyń qurylymdyq júıesi, usynystar jáne olardy talqylaý, jobalar sheshimin ázirleý», - deıdi "ECOMEN" ekonomıka jáne basqarý ınstıtýtyny rektory, professor Hanon Barabaner.
Elbasynyń tapsyrmasyn oryndaý aıasynda 2012 jyldyń 22-24 mamyrynda ótetin V Astana ekonomıkalyq forýmy aıasynda «Álemdik qarjy júıesiniń bolashaǵy men damý valıýtasy» atty sessııa ótedi.
Bul kúnderi Pm.kz saıty V Astana ekonomıkalyq forýmynyń basty oqıǵalaryn, negizgi spıkerlerdiń sózderin, sondaı-aq forýmǵa qatysýshy belgili tulǵalarmen bolǵan arnaıy suhbattardy jarııalap otyrady. Bizdiń saıtymyzdan jańalyq kútińizder.
