Astana avtobýstarynda bıletsiz júrgen 200 adam ustaldy
«Qazirgi tańda «Astana LRT» kompanııasy men jergilikti polıtsııa qyzmetkerleri Astana kóshelerinde reıd júrgizip jatyr. Reıd jumystaryna «Astana LRT» kompanııasy tarapynan 94 qyzmetker jumyldyryldy. Dúısenbi men seısenbi kúnderi (osy aptanyń) bıletsiz júrgen 200 jolaýshy ustaldy. Bıletsiz ustalǵan jolaýshylarǵa 2 AEK (4 810 teńge) mólsherinde aıyppul salynady. Al bıletsiz júrgizý týrasynda qatelik avtobýs ishindegi keńesshilerden (qazir biz kondýktorlardy keńesshiler dep ataımyz - N.Azanbaeva) ketse biz olarǵa 5 AEK (12205 teńge) kóleminde aıyppul salamyz. Al keńesshisi joq avtobýstaǵy júrgizýshi bılet bermese oǵan da 5 AEK aıyppul salynady», - deıdi kompanııa ókili.
Naýat Azanbaeva saralanǵan tarıf engizilgeli beri (qolma-qol aqshamen 180 teńgelik) keıbir keńesshiler jumystan bosatylǵanyn aıtady.
«Bul jerde aıta ketetini, «bıletsiz tasymaldaý» degen bar. ıAǵnı, ol aıypqa júrgizýshi nemese keńesshi (kondýktor) iligýi múmkin. Sonymen birge, «jol aqysyn tóleýden jaltarý» degen bar. Ol aıypqa jolaýshylar tap bolýy yqtımal. 2018 jyldyń 1 qańtarynan 12 qyrkúıekke deıin jol aqysyn tóleýden jaltarǵan 2 myńnan astam jolaýshyǵa jalpy somasy 10 mıllıon teńgeniń aıyppuly salyndy. Sonymen qatar, atalǵan aralyqta baqylaýshylar kondýktorlar tarapynan 2 myńǵa tarta buzýshylyqty anyqtady. Sondaı-aq, 47 júrgizýshiniń jumysynda kemshilik anyqtaldy», - deıdi ol.
Naýat Azanbaevanyń aıtýynsha, óz isine jaýapty kondýktorlar jumyssyz qalǵan emes.
«Bılet bermegen nemese jolaýshylarǵa daýys kótergen, bir sózben jumysynda kemshilikter anyqtalǵan kondýktorlar jumystan bosatyldy. Biraq, kóptegen kondýktorlar óziniń avtoparkinde jumys ornynda qalǵanyn aıtqym keledi. Máselen, árbir avtoparktiń ózinde baqylaý-jelilik qyzmeti bar. Kondýktorlardyń keıbiri Kóliktik baqylaý departamentine aýyssa, keıbiri óz avtoparkinde qaldy. ıAǵnı, jaýapty qyzmetkerlerdiń eshqaısysy jumyssyz qalǵan joq», - deıdi Naýat Azanbaeva.
