Astana áýejaıyna túngi ýaqytta avtobýs qatynaıtyn boldy

NUR-SULTAN. QazAqparat - 15 shildeden 8 tamyzǵa deıin Nur-Sultan qalasynda qoǵamdyq kóliktiń túngi reısteri áýejaıǵa deıin qatynaıdy, dep habarlaıdy QazAqparat.

City Transportation Systems kompanııasy baspasóz qyzmetiniń málimetine sensek, mundaı sheshim elordalyq áýe aılaǵynyń túngi jumys rejımine ýaqytsha kóshýine baılanysty qabyldanǵan.

Jolaýshylardy №10 baǵyttaǵy avtobýstar tasymaldaıdy.

Áýejaıdan №10 baǵytynyń túngi reısteriniń shyǵý ýaqyty: 23:18, 00:29, 01:59, 02:59.

Baǵdardyń kúndizgi qozǵalys kestesi ózgerissiz qalady.