Astana áýejaıynda bir aıda 2 myńǵa jýyq tyıym salynǵan zat anyqtaldy
ASTANA. KAZINFORM - Elorda áýejaıynyń avıatsııalyq qaýipsizdik qyzmetiniń ınspektorlary jyl basynan beri jolaýshylardy tekserý pýnkterinde 2 myńǵa jýyq tyıym salynǵan zat anyqtady.
Tekserý barysynda kózge erekshe túsken zattardyń qatarynda 200 shamasynda qarýǵa uqsas oıynshyqtar men sývenırler, sondaı-aq tez tutanatyn 174 dana 25l suıyqtyq pen 15-ke jýyq pırotehnıkalyq zat bolǵan.
Sonymen qatar, tyıym salynǵan zattarǵa qatysty 16 materıal sot jáne quqyq qorǵaý organdaryna jiberildi.
Jolaýshylardyń qaýipsizdigin qamtamasyz etý maqsatynda syıymdylyǵy 100 ml-den asatyn konteınerlerdegi kez kelgen suıyqtyqty (sý, sýsyndar, qyrynýǵa arnalǵan kóbik jáne t.b.), ásirese belgisiz quramdaǵy zattar men suıyqtyqtardy (zaýyttyq qaptamasyz, tehnıkalyq pasportsyz jáne sertıfıkatsyz) qol júgimen tasymaldaýǵa tyıym salynady.
Astana áýejaıynyń áýe qaýipsizdigi qyzmeti bagajdy jınaý barysynda jolaýshylarǵa barynsha jaýapkershilik tanytyp, qol júgi men bagaj tasymaldaýda tyıym salynǵan zattardyń tizimimen aldyn ala tanysýǵa keńes beredi.
Tyıym salynǵan zattardyń tizimimen www.nn-airport.kz saıtynda tanysýǵa bolady.
