7 reıs keshigýde: Astana áýejaıynda aýa raıyna baılanysty eskertý jarııalandy

Astana halyqaralyq áýejaıynyń áýe aılaǵynda qyzmetkerler qolaısyz aýa raıynda qyzmet etip jatyr. Munda kúshti jel turatyny eskertildi, dep habarlaıdy Kazinform.

Saǵat 14:00-20:00 aralyǵynda jeldiń jyldamdyǵy 22 m/s-tan 27 m/s-qa deıin jetýi múmkin. Mundaı aýa raıynda áýe reısteri toqtatylýy nemese keshiktirilýi múmkin.

«Dál qazir áýejaıdyń áýe aılaǵynda qar qalyń, jeldiń jyldamdyǵy sekýndyna 10 metrge jetedi, alaıda jeldiń ekpini 15 m/s-ke deıin jetip tur. Búgin elorda áýejaıynda 75 reıstiń ushýy josparlanǵan. 7 reıs áýe kompanııalarynyń tehnıkalyq sebepterine baılanysty keshiktirilýde. Al aýa raıynyń qolaısyzdyǵyna baılanysty reısterdiń keshigýi nemese keıinge qaldyrýy tirkelgen joq», - dep habarlady áýejaıdyń baspasóz qyzmeti.

Áýe aılaqty qalyń qardan tazalaý jumystary úzdiksiz júrip jatyr. Qazir bul jumystarǵa 10 arnaıy tehnıka jumyldyrylǵan.

Reıster týraly aqparatty Astana halyqaralyq áýejaıynyń nn-airport.kz resmı saıtynan qaraýǵa bolady.

Sondaı-aq elorda áýejaıynda táýlik boıy 8(7172)702-999 baılanys ortalyǵy jumys isteıdi.