Astana áýejaıy 15 sáýirden bastap jumys kestesin ózgertedi

ASTANA. KAZINFORM — Astana halyqaralyq áýejaıynda 2026 jylǵy 15 sáýir men 31 mamyr aralyǵynda ushý-qoný jolaǵynda josparly jóndeý jumystary júrgiziletdi.  

 — Bekitilgen qujattamaǵa jáne NOTAM talaptaryna sáıkes, atalǵan kezeńde ushý-qoný jolaǵy kún saıyn jergilikti ýaqyt boıynsha saǵat 10:00–den 18:00–ge deıin ýaqytsha jabylady, — delingen Astana halyqaralyq áýejaıy taratqan habarlamada.

Júrgiziletin jumystar josparly sıpatqa ıe jáne áýeaılaq ınfraqurylymyn, sondaı-aq jaryq-sıgnaldyq jabdyqtardy jumysqa jaramdy kúıde ustaýǵa, ushý qaýipsizdigi men senimdiligin arttyrýǵa baǵyttalǵan.

— Jumystar júrgiziletin ýaqyt aralyǵynda oryndalatyn barlyq halyqaralyq jáne ishki turaqty reıster táýliktiń erterek nemese keshirek ýaqytyna aýystyryldy.

Reıster kestesindegi ózgerister avıakompanııalarmen jáne ýákiletti memlekettik organdarmen aldyn ala kelisilgen. Áýejaı ýaqytsha shekteýlerden tys kezeńde shtattyq rejımde jumysyn jalǵastyrady.

Astana halyqaralyq áýejaıy jolaýshylarǵa reısterdiń ózekti kestesin avıakompanııalardan naqtylaýdy usynyp, túsinistik tanytqandary úshin alǵys bildiredi, — delingen habarlamada. 

Aıta ketelik osy kóktemde Astana men Shymkent áýejaılarynda jóndeý jumystary josparlanǵany týraly jazǵan edik.