«Astana-Almaty» baǵytyndaǵy poıyz apaty: Bir jasóspirim mert boldy

ASTANA. QazAqparat - «Astana-Almaty» baǵytynda qatynaıtyn poıyzdyń apatqa ushyrap 8 vagonnnyń relsten shyǵýy saldarynan bir jasóspirim mert boldy, dep habarlaıdy QazAqparat tilshisi.

«Bir jasópirimniń qaza taýyp, úsh adamnyń jaraqat alǵandyǵy týraly aqparat rastaldy», - dedi QR ІІM Tótenshe jaǵdaılar komıtetiniń resmı ókili Rýslan Imanqulov. 

Buǵan deıin Astanadan Almatyǵa bara jatqan jolaýshylar poıyzynyń apatqa ushyraǵanyn habarlaǵan bolatynbyz. Odan keıin «Qazaqstan temir joly» ulttyq kompanııasy «Astana-Almaty» baǵytynda qatynaıtyn poıyzdyń apatqa ushyraýyna qatysty resmı málimdeme jasap, oqıǵanyń shyǵý sebebin tekseretin arnaıy komıssııa qurylǵanyn jarııa etken edi.