Astana álem aqyndarynyń kózimen
Shyǵarmashylyq keshke tanymal otandyq aqyndarmen qatar sheteldikter de qatysty. Atap aıtqanda, Fınlıandııalyq aqyn, slavıan, orys ádebıetiniń aýdarmashysy ıÝkka Mallınen, aqyn, Shanhaı ýnıversıtetiniń professory Oýıang ıÝ, frantsýz jazýshysy, pýblıtsıst jáne aýdarmashy, prozashy Terrı Marınıak, aqyn, baspager, sýretshi Malgojata Mahlevskaıa, aqyn, baspager Gagık Davtıan, aqyn Lıýbov Krasavına, aqyn, prozashy, synshy, «Lıteratýrnaıa gazeta» basylymynyń bas redaktory Maksım Zamshev, aqyn Sergeı Mnatsakanıan jáne aqyn, aýdarmashy Mıhaıl Sınelnıkov qatysty.
Poezııa keshine qatysýdyń negizgi shartyna sáıkes aqyndar Astana, Qazaqstan nemese Elbasy týraly qazaq, orys, aǵylshyn tilderine aýdarylǵan, sondaı-aq BUU bekitken resmı tilderde shyǵarylǵan avtorlyq óleń joldaryn oqydy.
«Búgin qazaq ádebıeti úshin aıtýly kún. Astana qalasynyń 20 jyldyq mereıtoıyna oraı álem aqyndarynyń qatysýymen halyqaralyq poezııa keshi óz jumysyn bastady. Aıtýly is-sharaǵa alys ta jaqyn elderden kelgen aqyndar jáne otandyq ádebıet áleminiń maıtalmandary, búginginiń aqıyq aqyndary Astanaǵa óleń arnap, Qazaq eli jaıly qalam terbep jatyr», - dedi QR Mádenıet jáne sport mınıstri Arystanbek Muhamedıuly.
Іs-shara barysynda sonymen qatar, «Álem aqyndary Qazaqstandy jyrlaıdy» atty shyǵarmalar jınaǵynyń tusaýy kesildi. Atalǵan jınaqta qalanyń tarıhy, onyń erekshe mádenı qundylyqtary týraly shyǵarmalar jarııalanǵan.
