Astana ákimdigi qajet mamandarǵa jyl saıyn 1200 grant bóledi
ASTANA. KAZINFORM – Astana qalasy bilim basqarmasynyń basshysy Qasymhan Senǵazyev elorda ákimdigi bóletin granttardyń qaı mamandyqtarǵa beriletinin aıtyp berdi.
«Ákim granttary 2018 jyldan bastap berilip keledi. Ótken jyly 300-den astam túlek oqýyn aıaqtady, biz olardy mektepterge jumysqa ornalastyrdyq. 2022 jylǵa deıin pedagogıkalyq mamandyqtarǵa 300-ge jýyq grant berildi, keıinirek myńǵa jýyq grant bóle bastadyq. Qazirgi ýaqytta ákimdik jalpy 1,2 myńnan astam grant beredi, onyń 1 myńy – pedagogıkalyq mamandyqtarǵa, 200-ge jýyǵy – medıtsınalyq mamandyqtarǵa, teologııa jáne sport salalaryna bólingen», - dedi Qasymhan Senǵazyev Astana qalalyq máslıhatynyń turaqty komıssııasynyń otyrysynda.
Onyń aıtýynsha, buryn granttar basqa mamandyqtarǵa da berilgen.
«Buryn ákim granttary IT, qurylys mamandyqtaryna da bólingen bolatyn. Bul baǵytta bilim alǵan stýdentterimizdi taldaı kele, respýblıka boıynsha da osy mamandyqtarǵa kóptegen granttar degen uıǵarym jasadyq. Sondyqtan jergilikti bıýdjetti utymdy paıdalaný úshin biz qalamyzǵa qajetti mamandyqtardy ǵana qaldyrdyq», - dedi ákimdik ókili.
