Astana ákimi Jeńis Qasymbek referendýmda óz tańdaýyn jasady

ASTANA. KAZINFORM –  Astana ákimi Jeńis Qasymbek AES salý máselesi boıynsha respýblıkalyq referendýmda daýys berdi. 

«Tańerteń № 211 saılaý ýchaskesine baryp, daýys berdim. Qalada 460 saılaý ýchaskesi ashyldy. Turǵyndar daýys berý úshin óz ýchaskelerin resmı veb-qyzmet:  Telegram chat-boty, IKomek biryńǵaı baılanys ortalyǵynyń 109 nómiri, «Smart Astana» mobıldi qosymshasynyń «New» bóliminde — «Referendým ýchaskesin izdeý» arqyly bile alady. Búgin saılaý ýchaskelerinde eńbek etip júrgenderdiń bárine alǵys bildiremin!», - dedi ol Instagram paraqshasynda qaldyrǵan jazbasynda. 

Buǵan deıin Qasym-Jomart Toqaev AES boıynsha referendýmda daýys bergenin jazǵan bolatynbyz.

BAQ ókilderimen shaǵyn suhaty barysynda Memleket basshysy Úkimet jumysyna baǵa berdi.

Sondaı-aq tilshiler suraǵyna oraı, ustazdardyń qoǵamdyq mártebesi mindetti túrde kóteriletinin aıtty.

Memlekettik keńesshi Erlan Qarın AES salýǵa qatysy referendýmda elordadaǵy №164 daýys berý ýchaskesinde óz tańdaýyn jasady.

Úkimet basshysy óz tańdaýyn jasady.

Senat tóraǵasy Máýlen Áshimbaev AES salýǵa qatysty referendýmda elordadaǵy №164 ýchaskede daýys berdi.

Májilis tóraǵasy Erlan Qoshanov elordadaǵy №163 referendým ýchaskesinde daýys berdi.

Eske salsaq, Ortalyq referendým komıssııasy tóraǵasynyń orynbasary Konstantın Petrov eldiń barlyq óńirinde Qazaqstanda atom elektr stantsııasyn salý máselesi boıynsha jalpyulttyq referendým bastalǵanyn resmı málim etti.