Astana ákimdigi balalar týrızmin damytýǵa ýáde berdi
«Іshki týrızmdi damytý balalar týrızminen bastalady. Balalar jıi saıahattasa, oǵan erip eresekter de kóbirek saıahattaıdy. Maǵan kólikke 10 mln teńge berińizdershi, men mýzeılerge 10 myń bala ákelemin. Balalar kórgen, bilgenin úıine aıtyp barady, sodan soń ata-ananyń qyzyǵýshylyǵy oıana bastaıdy. Bir jaǵynan mýzeılerdiń de jumysy júredi», - dedi elordalyq týrızm qaýymdastyǵynyń ókili Tatıana Vernıtskaıa Astana qalalyq kásipkerler palatasynda ótken kezdesýde.
Óz kezeginde elorda ákiminiń orynbasary Erlan Bekmyrzaev balalar týrızmine qoldaý kórsetýdi jaýapty mekemege júktedi.
«Qalalyq máslıhattyń jańa quramy jasaqtalǵan soń siz kótergen máseleni máslıhat qaraýyna engizemiz», - deıdi ol.
Aıta ketsek, Mádenıet jáne sport mınıstri búgin ǵana týrızmdi damytý boıynsha álemniń úzdik 50 eliniń qataryna kirý jospary týraly baıandaǵan edi.
2030 jylǵa deıin barlyq sharalardy iske asyrýdyń nátıjesinde ishki týrısterdiń sanyn 11 mln adamǵa deıin, sheteldik týrısterdi – 4 mln adamǵa deıin, salada jumyspen qamtýdy – 800 myń adamǵa deıin arttyrý kózdeledi.
Sondaı-aq Dúnıejúzilik ekonomıkalyq forýmnyń reıtıngisine sáıkes týrızmdi damytý boıynsha Qazaqstandy álemniń úzdik 50 eliniń qataryna qosý kózdelip otyr.
