Astana ákimdigi 55 bıýdjettik ınvestıtsııalyq jobany iske asyrmaq
Astana qalasy ákiminiń orynbasary Asqar Ámrın bıýdjettik-ınvestıtsııalyq jobalar múlkin kommýnaldyq menshikke berý barysy týraly málim etti.
«2019 jyldyń 1 qańtarynan bastap 5,5 mlrd teńge bıýdjettik-ınvestıtsııalyq jobalar múlki qabyldandy. Al 2004-2015 jyldardaǵy problemalyq jobalar qabyldanǵan joq», - dep atap ótti A. Ámrın ákimdikte ótken jıynda.
22 qańtarda Astana ákimi 2019 jylǵy bıýdjettik-ınvestıtsııalyq jobalar (BIJ) tizbesin bekitti. Sondaı-aq ákimdik 55 bıýdjettik ınvestıtsııalyq jobany iske asyrýdy josparlaǵan. Qazirgi tańda 23 joba boıynsha memlekettik satyp alý rásimderi ótkizilýde. Sonymen qatar, BIJ-diń 21 jobasy ázirge habarlanbaǵan.
«Habarlandyrýlar bolmaýynyń negizgi sebepteri memlekettik saraptama qorytyndysyn, qazynashylyq súıemeldeýmen jobalar tizimine qosý keshigýde, jer ýchaskeleri jáne jobalardyń qunyna túzetýler engizý máseleleri sheshilmegen», - dedi qala ákiminiń orynbasary.
Sonymen qatar, 11 jobanyń tizbeden alynýyna baılanysty memlekettik satyp alý rásimi júrgizilmeıdi.
«2019 jyldyń josparyna sáıkes memlekettik satyp alý rásimderin ótkizý jóninde belsendi jumys júrgizilýde», - dep atap ótti Á.Ámrın.
