Áskerı ushqyshtar Qoǵaly aýylynan 68 adamdy evakýatsııalady

AQTÓBE. KAZINFORM — Qarýly kúshterdiń tikushaǵy Aqtóbe oblysy Qobda aýdany Qoǵaly aýylynan 68 adamdy kóshirdi. 

Qobda aýdany Qoǵaly aýylynda zardap shekkenderdi evakýatsııalaý aıaqtaldy.

Áýe qorǵanysy kúshteri áskerı ınstıtýty ushqyshtarynyń ekıpajy aýyldyń 68 turǵynyn Qobda aýdanynyń ortalyǵyna kóshirdi. 

Qobda mektebine 29 eresek adam men 37 bala ornalastyryldy, onyń ekeýi — náreste.

Eske salsaq, buǵan deıin Aqtóbe oblysy boıynsha Qobda, Oıyl, Áıteke bı, Muǵaljar, Temir aýdandary men Aqtóbe qalasynda tótenshe jaǵdaı jarııalanǵan edi.

Úıinen kóshirilgen adamdar qazir mektepterdi panalap otyr. Ol mektepter erteńnen bastap sabaqty onlaın ótedi.