Áskerı polıtseılerdiń qyzmetine ózgerister engizilmek

ASTANA. QazAqparat - Senat depýtattary Asqar Shákirovtyń tóraǵalyq etýimen ótken Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Áskerı polıtsııa organdary týraly» zańdy qarady, dep habarlaıdy QazAqparat Senatqa silteme jasap.

Zańnyń negizgi maqsaty – áskerı polıtsııa organdarynyń qyzmetin jetildirý bolyp tabylady. Onda áskerı polıtsııa organdarynyń mindetteri men quzyretterin, qurylymy men ókilettikterin aıqyndaıtyn, sondaı-aq qazirgi kezde júzege asyp jatqan fýnktsııalardy zańnamalyq bekitý jóninde ózgerister kórsetilgen.

Zań áskerı polıtsııa organdary qyzmetshileriniń dene kúshin, arnaıy quraldardy, qarýdy qoldanýyn, sondaı-aq olardyń jeke quramy men áleýmettik qamsyzdandyrý máselelerin retteıdi.

Jańa qujat áskerı polıtsııa organdaryna Qazaqstan Respýblıkasynyń zańnamasynda belgilengen quzyret sheginde Qarýly Kúshterde, basqa da áskerler men áskerı quralymdarda quqyqtyq tártipti qamtamasyz etý, quqyq buzýshylyqtardyń aldyn alý, eskertý, anyqtaý jáne jolyn kesý, sondaı-aq qamaýǵa alý, ákimshilik qamaýǵa alý jáne de áskerı qyzmetshilerdi qoǵamnan ýaqytsha oqshaýlaýdyń ózge de sharalary túrindegi jazany oryndaý boıynsha mindetterdi júkteıdi.

Zań jobasy Palatanyń qaraýyna jiberildi.