Áskerı oqý oryndaryna oqý tártibi ózgerýi múmkin

ASTANA. QazAqparat – Qorǵanys mınıstrligine qarasty áskerı oqý oryndaryna stýdent qabyldaýdyń tártibin ózgertý týraly buıryq jobasy kópshilik talqylaýyna qoıyldy, dep habarlaıdy QazAqparat tilshisi.

Eń áýeli áskerı oqý ornyna qujat tapsyrý merzimi birizdendirilmek. Buǵan deıin ol merzimdi Qorǵanys mınıstrliginiń áskerı bilim berý máseleleri jónindegi qurylymdyq bólimshesi josparlaıtyn. Al endi resmı túrde ár jyldyń 1 naýryzyna deıin dep bekitilmek.

Buıryqtaǵy ózgeristiń eń negizgisi – joǵary oqý ornyn, JOO-dan keıingi oqýdy bitirgen adamdarǵa áskerı oqýǵa UBT tapsyrmaı-aq qujat tapsyrý múmkindik berý jeńildigi.

Mundaı jeńildikti áskerı kolledjderdiń jaqsy jáne úzdik oqyǵan túlekterine de berý usynylyp otyr. Ol úshin bolashaq túlek oqý bitiretin jyldyń 1 sáýirine deıin ózderi oqıtyn bilim berý uıymy basshysynyń atyna tıisti hattamamen ótinish berýi kerek.

Sondaı-aq áskerı kolledjderdiń túlekteri qorytyndy attestattaýdan ótse, kolledjde alǵan bilimine sáıkes mamandyqtar boıynsha áskerı ınstıtýttarǵa túse alady.

Buıryqqa jedel-taktıkalyq deńgeıdegi magıstratýra jáne doktorantýra uǵymdary engizilmek. Bul eń úlken basqarýshylyq tájirıbesi bar ofıtserlerdi oqytýǵa múmkindik bermek.

Qujat jobasy «Ashyq NQA» portalynda 14 jeltoqsanǵa deıin kópshiliktiń talyqlaýyna usynylyp otyr.