Áskerı qyzmetshilerge zeınetaqy taǵaıyndaý talaptary ózgerdi

NUR-SULTAN. QazAqparat - QR Úkimeti áskerı qyzmetshiler men quqyq qorǵaý organdary qyzmetkerlerine zeınetaqy taǵaıyndaý týraly qaýlyǵa ózgerister engizildi. QazAqparat qaýlynyń tolyq mátinin jarııalaıdy.

Qazaqstan Respýblıkasy Úkimetiniń 2020 jylǵy 22 sáýirdegi №237 Qaýlysy

«Áskerı qyzmetshilerge, arnaýly memlekettik jáne quqyq qorǵaý organdarynyń, memlekettik feldegerlik qyzmet qyzmetkerlerine, sondaı-aq arnaýly ataqtar, synyptyq shender alý jáne nysandy kıim kıip júrý quqyqtary 2012 jylǵy 1 qańtardan bastap joıylǵan adamdarǵa zeınetaqy tólemderin taǵaıyndaý jáne júzege asyrý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 31 jeltoqsandaǵy №1500 qaýlysyna ózgerister men tolyqtyrýlar engizý týraly

Qazaqstan Respýblıkasynyń Úkimeti QAÝLY ETEDІ:

1. «Áskerı qyzmetshilerge, arnaýly memlekettik jáne quqyq qorǵaý organdarynyń, memlekettik feldegerlik qyzmet qyzmetkerlerine, sondaı-aq arnaýly ataqtar, synyptyq shender alý jáne nysandy kıim kıip júrý quqyqtary 2012 jylǵy 1 qańtardan bastap joıylǵan adamdarǵa zeınetaqy tólemderin taǵaıyndaý jáne júzege asyrý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 31 jeltoqsandaǵy № 1500 qaýlysyna (Qazaqstan Respýblıkasynyń PÚAJ-y, 2013 j., № 78, 1023-qujat) mynadaı ózgerister men tolyqtyrýlar engizilsin:

kórsetilgen qaýlymen bekitilgen Áskerı qyzmetshilerge, arnaýly memlekettik jáne quqyq qorǵaý organdarynyń, memlekettik feldegerlik qyzmet qyzmetkerlerine, sondaı-aq arnaýly ataqtar, synyptyq shender alý jáne nysandy kıim kıip júrý quqyqtary 2012 jylǵy 1 qańtardan bastap joıylǵan adamdarǵa zeınetaqy tólemderin taǵaıyndaý jáne júzege asyrý qaǵıdalarynda:

1-tarmaqta:

3) tarmaqsha mynadaı redaktsııada jazylsyn:

«3) «Azamattarǵa arnalǵan úkimet» memlekettik korporatsııasy (budan ári – Memlekettik korporatsııa) – Qazaqstan Respýblıkasynyń zańnamasyna sáıkes memlekettik qyzmetter, tabıǵı monopolııalar sýbektileriniń jelilerine qosylýǵa tehnıkalyq sharttardy berý jónindegi qyzmetter jáne kvazımemlekettik sektor sýbektileriniń qyzmetterin, «bir tereze» qaǵıdaty boıynsha memlekettik qyzmetterdi, tabıǵı monopolııalar sýbektileriniń jelilerine qosylýǵa tehnıkalyq sharttardy berý jónindegi qyzmetterdi, kvazımemlekettik sektor sýbektileriniń qyzmetterin kórsetýge ótinishterdi qabyldaý jáne kórsetiletin qyzmetti alýshyǵa olardyń nátıjelerin berý jónindegi jumysty uıymdastyrý, sondaı-aq onyń ornalasqan orny boıynsha jyljymaıtyn múlikke quqyqty memlekettik tirkeýdi júzege asyratyn memlekettik qyzmetterdi elektrondyq nysanda kórsetýdi qamtamasyz etý úshin Qazaqstan Respýblıkasy Úkimetiniń sheshimi boıynsha qurylǵan zańdy tulǵa»;

5) tarmaqsha mynadaı redaktsııada jazylsyn:

«5) Memlekettik korporatsııanyń fılıaldary – Memlekettik korporatsııanyń oblystardaǵy, respýblıkalyq mańyzy bar qalalardaǵy jáne astanadaǵy fılıaldary;»;

7-tarmaqta:

1. tarmaqsha mynadaı redaktsııada jazylsyn:

«1) jeke basyn kýálandyratyn qujat (jeke kýáligi, azamattyǵy joq adamnyń kýáligi, sheteldiktiń turýǵa yqtııarhaty, Qazaqstan Respýblıkasy azamatynyń tólqujaty);»;

1. tarmaqsha alyp tastalsyn;

5) tarmaqshanyń ekinshi bóligi alyp tastalsyn;

6) tarmaqsha mynadaı mazmundaǵy ekinshi bólikpen tolyqtyrylsyn:

«Qujattardyń kóshirmeleri «Notarıat týraly» 1997 jylǵy 14 shildedegi Qazaqstan Respýblıkasynyń Zańynda belgilengen tártippen kýálandyrylǵan jaǵdaılardan basqa, qujattardyń kóshirmelerin usynylǵan túpnusqalarymen salystyrǵannan keıin bólimsheniń laýazymdy adamy kýálandyrýǵa tıis»;

9-tarmaqtyń ekinshi bóligi mynadaı redaktsııada jazylsyn:

«Múgedek bolyp tabylatyn alýshynyń eńbek sińirgen jyldary úshin zeınetaqy tólemderiniń mólsheri múgedekterdiń tıisti sanattary úshin belgilengen múgedektigi boıynsha aılyq járdemaqynyń mólsherinen az bolsa, onda ýákiletti memlekettik organ «Qazaqstan Respýblıkasynda múgedektigi boıynsha jáne asyraýshysynan aıyrylý jaǵdaıy boıynsha beriletin memlekettik áleýmettik járdemaqylar týraly» 1997 jylǵy 16 maýsymdaǵy Qazaqstan Respýblıkasynyń Zańy 12-babynyń 5-tarmaǵyna sáıkes eńbek sińirgen jyldary úshin zeınetaqy tólemderine qosymsha aqy belgileıdi»;

11-tarmaq mynadaı redaktsııada jazylsyn:

«11. Ýákiletti memlekettik organdar Memlekettik korporatsııanyń fılıaldaryna osy Qaǵıdalarǵa 6-qosymshaǵa sáıkes 1-V/L nysany boıynsha habarlamany qosa bere otyryp, osy Qaǵıdalarǵa 2 jáne 3-qosymshalarǵa sáıkes 1-IÝ, 1-VS nysandary boıynsha zeınetaqy tólemderin júzege asyrýǵa arnalǵan úzindilerdi bir danada nemese elektrondy túrde beredi»;

14-tarmaq mynadaı redaktsııada jazylsyn:

«14. Memlekettik korporatsııanyń fılıaldary úzindiler kelip túsken kezde olardy osy Qaǵıdalarǵa 7-qosymshaǵa sáıkes nysan boıynsha úzindilerdi tirkeý jýrnalynda tirkeıdi jáne «Zeınetaqylardy jáne járdemaqylardy tóleý jónindegi ortalyqtandyrylǵan derekqor» avtomattandyrylǵan aqparattyq júıesinde alýshylardyń kartochkalaryn qalyptastyrady jáne kartochkaǵa tıisti derekterdi ne olar boıynsha ózgeristerdi engizedi.

Memlekettik korporatsııanyń fılıaldary úzindiler, tólemderdi toqtata turý nemese toqtatý týraly habarlamalar elektrondy túrde kelip túsken kezde olardy osy Qaǵıdalarǵa 7-1-qosymshaǵa sáıkes nysan boıynsha úzindiler men habarlamalar týraly málimetterdi elektrondyq tirkeý jýrnalynda tirkeıdi»;

kórsetilgen Qaǵıdalarǵa 1, 9, 11-qosymshalar osy qaýlyǵa 1, 2, 3-qosymshalarǵa sáıkes jańa redaktsııada jazylsyn;

osy qaýlyǵa 4-qosymshaǵa sáıkes kórsetilgen Qaǵıdalarǵa 7-1-qosymshamen tolyqtyrylsyn.

2. Osy qaýly alǵashqy resmı jarııalanǵan kúninen keıin qoldanysqa engiziledi.

Qazaqstan Respýblıkasynyń Premer-Mınıstri A. Mamın