Áskerı qyzmetshiler bir kúndik jalaqylaryn koronavırýspen kúreske aýdardy

NUR-SULTAN. QazAqparat - QR Qorǵanys mınıstrliginiń əskerı qyzmetshileri ózderiniń bir kúndik jalaqylaryn koronavırýspen kúresý úshin qurylǵan qorǵa aýdardy. Qarjylaı kómekti aýdarý sheshimi erikte túrde qabyldandy, dep habarlaıdy QazAqparat.

Qarýly Kúshteriniń jeke quramy Elbasy Nursultan Nazarbaev pen Qazaqstan Respýblıkasynyń Prezıdenti Qasym-Jomart Toqaevtyń ıdeıasyn biraýyzdan qoldap, osylaısha armııanyń ınfektsııanyń taralýyna qarsy kúreste barlyq múmkin bolatyn kómek berýge daıyn ekendigin taǵy bir márte kórsetti.

Ózderińiz biletindeı, Qazaqstannyń tuńǵysh prezıdenti, Ulttyq qaýipsizdik keńesiniń tóraǵasy Nursultan Nazarbaev qazaqstandyqtarǵa úndeý tastap, «qaýip-qaterge qarsy bir memlekettiń kúsh-jigeri jetkiliksiz, sondyqtan árbir azamat óz úlesin qosýy kerek» degen usynys jasady.

Sondaı-aq, qarajat jınaý úshin respýblıkalyq qor qurý usynyldy. Qazirgi tańda bul ıdeıany Elbasy keńsesi qyzmetkerleri men Qazaqstan Parlamenti Senatynyń depýtattary qoldady.