Áskerı qyzmetshiler Arysty mınadan tazalap jatyr

NUR-SULTAN. QazAqparat - QR Qorǵanys mınıstrliginiń áskerı-ınjenerlik qyzmetshileri Arys qalasyn mınadan tazalaý jumystaryn júrgizip jatyr. Bul týraly mınıstrliktiń baspasóz qyzmetine silteme jasap QazAqparat tilshisi habarlaıdy.

«Qazirgi ýaqytta oqıǵa ornynda sapynda jarylys qaýpi bar zattarmen jumys isteýde tájirıbe áskerı qyzmetshilerden jasaqtalǵan 9 mınasyzdandyrý toby jumys istep jatyr. Atalǵan toptar aýmaqta jarylmaı qalǵan oq-dárilerden tazartý boıynsha keshendi sharalar júzege asyrady. Oq-dárilerden tazartý jumysy eldi mekenderge taıaý ornalasqan qoımalar men basqa da saqtaý oryndaryndaǵy jarylý qaýpi bar zattardan barynsha tazartý maqsatynda uıymdastyrylǵan», - dep atap ótedi mınıstrlikten.

Vedomstvo málimetinshe, eń aldymen temir joldyń boıyn, qarý-jaraq qoımasyna irgeles Arys qalasyndaǵy turǵyn úıler men ǵımarattardyń mańyn qaýipti zattardan tazartý júrgiziledi. Bul turǵyndar úılerine oralǵan kezde olardyń qaýipsizdigin qamtamasyz etý úshin jasalyp jatyr. Sonymen qatar, ushqyshsyz ushatyn apparattardyń kómegimen Arys qalasynyń tóńiregi men arsenaldyń tehnıkalyq aýmaǵy barlanýda.

«Áskerı polıtsııa bólimsheleri táýliktik sholǵyndaýdy uıymdastyrdy. Shamamen 700 áskerı qyzmetshi qalany qorshaýǵa alǵan. Sonymen qatar, oqıǵa ornynda 1 200 adamǵa arnalǵan shatyr tigilgen», - delingen taratylǵan aqparatta.