Áskerı qyzmetshi 350 shaqyrymdyq ýltramarafonǵa attandy
Saǵadat Nurmaǵambetov atyndaǵy Qurlyq áskerleri áskerı ınstıtýty «Álı» oqý-jattyǵý ortalyǵyn qamtamasyz etý rotasynyń jaýyngerlik kóliginiń komandıri Raýan Ábilhanov 48 saǵatta 350 shaqyrym eńsermek. Onyń júgirý marshrýty: «Álı» oqý-jattyǵý ortalyǵy – Almaty oblysynyń Shelek aýyly.
«3-synypty serjant Raýan Ábilhanov aldyna maqsat qoıdy. Tabandylyq pen jeńiske degen erik-jigerdiń arqasynda ol rekord ornatatynyna senimdimin. Qurlyq áskerleri áskerı ınstıtýtynyń jeke quramy úshin Raýan maqsatqa jetýge degen senim men erik-jigerdiń úlgisi. Naǵyz jaýynger osyndaı bolýy kerek. Oǵan sáttilik tileımiz», – dedi sportshyǵa Qorǵanys mınıstrligi Áskerı bilim jáne ǵylym departamentiniń bastyǵy Jumabek Ahmetov.
Raýan Ábilhanovtyń jeńil atletıkamen aınalysqanyna 10 jyldan asty. Ol – Almatyda jáne Qarýly kúshterde ótken marafondardyń jeńimpazy. Jaýyngerlik daıyndyq pen úlgili áskerı tártiptegi joǵary kórsetkishteri úshin kóptegen marapatqa ıe.
Marafon qashyqtyǵy baǵytynda sportshyǵa áskerı ınstıtýt dárigerleriniń brıgadasy, dostary, áriptesteri jáne Qazaqstannyń Rekordtar kitabynyń ókilderi ilesedi.
Áskerı qyzmetshiniń bul bastamasyn januıasy da qoldaıdy. Ábilhanovtar alty qyz ben ul tárbıelep, jýyrda taǵy bir náreste kútip otyrǵan úlgili otbasy.
Foto : gov.kz
