Áskerı dıplomattar Qazaqstannyń áskerı-ushý ıstıtýtynda boldy

NUR-SULTAN. QazAqparat - Qazaqstanda tirkelgen áskerı-dıplomatııalyq korpýstyń delegatsııasy, Aqtóbe qalasyndaǵy Áskerı áýe kúshteri Áskerı ınstıtýtyna respı saparmen bardy, dep habarlaıdy QR Qorǵanys mınıstrliginiń baspasóz qyzmeti.

Ázerbaıjan, Armenııa, Mońǵolııa, Pákistan, Reseı, Rýmynııa, Túrikmenstan, Túrkııa, Ýkraına, Frantsııa jáne Japonııa elderiniń áskerı attasheleri avıatsııalyq qarý-jaraqtardyń tehnıkalyq eksplýtatsııasy, áýe kemeleri men avıatsııalyq qozǵaltqyshtardyń qurylymdary kafedralarynda, sondaı-aq oqý zerthanalarynda boldy.

Áskerı dıplomattar oqý-materıaldyq bazanyń jaqsy qyrlaryn, sondaı-aq joǵary sanattaǵy ushý jáne ınjenerlik kafedralardyń daıyndyǵyna áser etetin áskerı ınstıtýttyń oqytýshy quramynyń kásipqoılylyǵyn atap ótti.

QR QM halyqaralyq yntymaqtastyq departamenti atap ótkendeı, atalmysh sapardyń basty maqsaty – ushqysh jáne avıatsııalyq ınjenerdiń daıyndyǵy men oqytýyna tájirıbe almasý. Jalpy áskerı bilim salasyndaǵy prespektıvti yntymaqtastyq jospary da qyzyǵýshylyq týdyrdy.

Qazirgi tańda eki márte Keńes Odaǵynyń batyry T.Begeldınov atyndaǵy Áýe qorǵanys kúshteriniń Áskerı ınstıtýty Qazaqstandy jáne Ortalyq Azııadaǵy áskerı-kóliktik, maıdandyq jáne armııalyq avıatsııadaǵy ushqyshtardy, Qarýly Kúshter úshin avıatsııalyq mamandardy daıarlaıtyn jalǵyz joǵary áskerı oqý mekemesi bolyp tabylady. Áskerı JOO-nyń túlekteri – ushý jáne ınjenerlik mamandyqtardyń ofıtserleri jyl saıyn qazaqstandyq áskerdiń qataryn tolyqtyrýda.

Áýe qorǵanys kúshteriniń Áskerı ınstıtýtynda qazaqstandyq kýrsanttardan basqa, UQShU baǵdarlamasymen Qyrǵyzstan jáne Tájikstan elinen kýrsanttarda bilim alatyny aıta ketken jón.