Áskerı boryshyn ótegenderdi elimizdiń 50 ýnıversıteti tegin oqytýǵa nıetti

ASTANA. QazAqparat – Qazaqstandaǵy 50-ge jýyq ýnıversıtet merzimdi áskerı qyzmetin atqarǵandardyń UBT nátıjesinsiz, óz esebinen oqýytýǵa nıet bildirdi. Bul týraly Ortalyq kommýnıkatsııalar qyzmetindegi brıfıngide jýrnalısterdiń suraǵyna jaýap bergen Ǵylym jáne joǵary bilim vıtse-mınıstri Qýanysh Erǵalıev aıtty, dep habarlaıdy QazAqparat tilshisi.

«Qazirgi ýaqytta QR Qorǵanys mınıstrligi 50-ge jýyq ýnıversıtetpen kelisim jasasty. Oqý oryndary merzimdi áskerı qyzmetin atqarǵandardy qoldaýǵa jáne olardy ýnıversıtet esebinen oqýǵa múmkindik berýge nıet bildirdi. Tizim ózgerýi múmkin. Taǵy da bul usynysqa qosylýǵa nıetti ýnıversıtetter bolýy múmkin», - dep málimdedi Qýanysh Erǵalıev.

Eske salaıyq, bul ýaqytqa deıin Ǵylym jáne joǵary bilim mınıstri Saıasat Nurbek áskerı boryshyn ótegenderge bilim granty nemese jeńildikter qalaı beriletinin túsindirgen edi.