Áskerı baılanysshylar kásibı merekesin atap ótýde
Almaty qalasyndaǵy Radıoelektronıka jáne baılanys áskerı-ınjenerlik ınstıtýtynda qazaq armııasynyń baılanys áskerleriniń qurylý kúnine oraı saltanatty is-shara boldy. Jıynǵa basshylyq quramy, áskerı qyzmetshiler, sondaı-aq zeınetkerlik demalysqa shyqqan Qarýly Kúshter men áskerı ınstıtýttyń ardagerleri qatysty. Qyzmette erekshe jetistikterge jetken áskerı baılanysshylar men ardagerler madaqtaý qaǵazdary jáne alǵys hattarmen marapattaldy.
«Áskerı baılanys – qazaqstandyq armııanyń mańyzdy quramy. Áskerı qyzmetshi-baılanysshylarǵa kúrdeli jáne jaýapkershiligi joǵary dárejede mindetter júkteledi. Qarýly Kúshterdiń kúndelikti jáne jaýyngerlik mindetterin oryndaýdaǵy tabysy olardyń jumystaryna baılanysty» - dep áskerı joǵary oqý ornynyń bastyǵy general-maıor Asqar Mustabekov atap ótti.
Áskerı baılanysshylar Radıoelektronıka jáne baılanys Áskerı-ınjenerlik ınstıtýtynda bilim alady. Bul - atalǵan áskerlerge ofıtserlerdi daıyndaıtyn Qazaqstandaǵy jalǵyz áskerı oqý orny. Radıoelektronıka jáne baılanys Áskerı-ınjenerlik ınstıtýty 2001 jyly qurylyp, 2002 jyldan bastap bes jyldyq oqytý baǵdarlamasy boıynsha baılanysshy kýrsanttardy qabyldaýdy bastady.
Áskerı ınstıtýttyń qabyrǵasynda áskerı baılanysshylar baılanysty ornatý jáne baılanystyń áskerı tehnıkasy boıynsha eki kafedrada daıyndalady. Kafedralardyń qazirgi zamanǵy zerthanalyq bazasy bar. Instıtýt aýmaǵynda oqý statsıonarlyq baılanys toraby ashylǵan. Munda kýsanttar praktıkalyq jáne taktıkalyq-saptyq sabaqtardy oryndaýda mamandyq boıynsha qarý-jaraq pen áskerı tehnıkany paıdalanýda jáne jaýyngerlik qoldanýda praktıkalyq tájirıbeni jınaqtaıdy.
Sonymen qatar, dalalyq oqý baılanys torabynyń avtomobıl bazasynda baılanys quraldary bar. Kýrsanttar keshendi arnaıy taktıkalyq sabaqtarynda marshty oryndaýda, baılanys toraptaryn óristetý jáne oraý, jaýyngerlik beketterdiń jumysy jáne jedel-tehnıkalyq qujattamalardy pysyqtaýda alǵan teorııalyq bilimderi men tájirıbelik daǵdylaryn bekitedi.
Joǵary oqý ornynyń barlyq oqytýshylary kásibı-pedagogıkalyq daıarlyqtan, ınjenerlik-tehnıkalyq laýazymdarda jetkilikti deńgeıde áskerı tájirıbesi bar. Bul arqyly bilikti áskerı mamandar daıyndalady. Instıtýt túlekteri bakalavr dárejesinde jınaǵan bilim qorjynymen, qarý-jaraqta turǵan barlyq baılanys quraldaryn paıdalaný jáne jaýyngerlik qoldaný daǵdylarymen áskerge qyzmet etýge jiberiledi.
Radıoelektronıka jáne baılanys Áskerı-ınjenerlik ınstıtýtynyń 18 jyldyq tarıhynda 200-den asa ofıtser-baılanysshy daıyndalyp, túlep ushty. Búgingi tańda olardyń barlyǵy Qazaqstannyń Qarýly Kúshterinde, basqa da áskerleri men áskerı quralymdarynda jaýyngerlik boryshtaryn ótkerýde.
