Asqar Zabıkýlınniń áıeli men balalaryna JOO-da tegin oqýǵa grant bólindi
Qazirgi ýaqytta eki otandyq JOO grant berýge daıyn ekenin bildirdi.
Safı Ótebaev atyndaǵy Atyraý munaı jáne gaz ýnıversıteti Asqar Zabıkýlınniń balalaryna orta mektepti bitirgennen keıin kez kelgen bakalavrıat mamandyǵynda joo grantynda oqýǵa múmkindik bermek.
Sondaı-aq, Asqar Zabıkýlınniń balalary 2023 jyly jazda ýnıversıtettiń jataqhanasynda turyp, IT-lagerge jáne jazǵy tildik mektepke qatysa alady.
Sonymen qatar, áıeli Anel Zabıkýlına úshin «Adam resýrstaryn basqarý» mamandyǵy boıynsha MVA-da oqýǵa grant bólindi.
Batyrdyń áıeli Anel Zabıkýlınanyń MVA baǵdarlamasynda oqýǵa tolyq grantyn AlmaU da bóldi. Ol grantty 2023-2026 jyldary qoldana alady.
Esterińizge sala keteıik, QR «Bilim týraly» zańyna sáıkes arnaýly memlekettik organdar jáne quqyq qorǵaý organdary, azamattyq qorǵaý organdary, memlekettik feldegerlik qyzmet qyzmetkerleriniń, qyzmettik mindetterin atqarý kezinde qaza tapqan nemese mertigýi (jaralanýy, jaraqattanýy, kontýzııa alýy) saldarynan múgedektik belgilengen áskerı qyzmetshilerdiń balalarynyń ótinishi negizinde olarǵa konkýrstan tys bilim granty beriledi.
Eske sala keteıik, úsh adamdy qutqarǵan astanalyq órt sóndirýshi Asqar Zabıkýlın 80% kúıikpen jansaqtaý bólimine jatqyzyldy. Sondaı-aq, oǵan dostary kómek jınady.
Odan bólek, Memleket basshysy erlik kórsetken jáne birneshe adamnyń ómirin qutqarǵan elordalyq órt sóndirýshilerdi Qazaqstan Respýblıkasynyń memlekettik nagradalarymen marapattaý týraly Jarlyqqa qol qoıdy.
Keıin onyń otbasyna úsh bólmeli páterdiń sertıfıkaty tabystalǵan bolatyn.
Denesiniń 80 paıyzyn kúıik shalǵan órt sóndirýshi 20 qarashada aýrýhanada qaıtys boldy.
Marqumnyń otbasyna kóńil aıtqan Prezıdent Astana kóshesine Asqar Zabıkýlınniń esimi berilip, bıýsti ornatylatynyn málimdedi.
Búgin erlikpen qaza tapqan azamattyq qorǵaý kapıtany Asqar Serikuly Zabıkýlındi áriptesteri men týǵan-týystary sońǵy saparǵa shyǵaryp saldy.
Foto: politeka.net