Asqar Shákirov Moldovanyń Qazaqstandaǵy jańadan taǵaıyndalǵan elshisimen kezdesti

ASTANA. QazAqparat - QR Parlamenti Senaty tóraǵasynyń orynbasary Asqar Shákirov Moldova Respýblıkasynyń Qazaqstan Respýblıkasyndaǵy jańadan taǵaıyndalǵan Elshisi Lılıan Darıımen kezdesti, dep habarlaıdy QazAqparat Parlament Senatynyń baspaóz qyzmetine silteme jasap.

Taraptar kelissóz barysynda eki el arasyndaǵy ekijaqty negizde de, halyqaralyq uıymdar aıasynda da ózara tıimdi qarym-qatynastardyń qarqyndy damýyn atap ótti. Sheteldik dıplomat Qazaqstanda júrgizilip jatqan jan-jaqty ózgerister men halyqaralyq kún tártibindegi ózekti máseleler boıynsha eldiń ustanymy týraly habardar etildi.

Kezdesýge qatysýshylar Qazaqstan men Moldova arasyndaǵy ekijaqty yntymaqtastyqtyń mańyzdy quramdas bóligi retinde parlamentaralyq baılanystardy, onyń ishinde parlamenttik dostyq toptarynyń jumysyn odan ári tereńdetý týraly ýaǵdalasty.

Foto: senate.parlam.kz