Asqar Mamın Beıjińde birqatar ınvestıtsııalyq jobalar boıynsha kelissózder júrgizdi
Іssapar aıasynda A.Mamın birlesken ınvestıtsııalyq jobalardy júzege asyrý maqsatynda iri qarjy, óndiris, kólik-logıstıka korporatsııalarynyń basshylarymen ekijaqty kezdesýler ótkizdi.
«Qos eldiń basshylarynyń arqasynda Qazaqstan men Qytaı arasynda joǵary deńgeıdegi yntymaqtastyq ornady. «Nurly jol» jáne «Uly Jibek joly ekonomıkalyq beldeýi» baǵdarlamalary eki el arasyndaǵy ınvestıtsııalyq qarym-qatynastarǵa jol ashady»,-dedi A.Mamın.
Kelissózder aıasynda Export and Import bank of China, China Construction Bank, Industrial and Commercial Bank of China Limited sııaqty iri Qytaı bankteriniń jetekshilerimen ınvestıtsııalyq jobalardy qarjylandyrý máseleleri talqylandy.
Sonymen qatar, Qazaqstan aýmaǵy arqyly tranzıttik konteınerlik tasymaldaý kólemin ulǵaıtý, «Qorǵas - Shyǵys qaqpasy» ındýstrııalyq habynyń damý bolashaǵy, kedenge avtomattandyrý tehnologııasyn engizý Halyqaralyq shekara mańy yntymaqtastyǵy ortalyǵy qyzmetterin jetildirý sııaqty suraqtar da qaraldy.
Asqar Mamın Lıanıýngan qalasynyń merimen kezdesip, atalmysh qalanyń porty men Qorǵas beketi arasyndaǵy birlesken termınaldy damytý máselesin talqylady.
Sonymen qatar, iskerlik kezdesýler aıasynda, «Gener Tec» kompanııasymen birlesip Qazaqstandaǵy avtomobıl qurastyrý jumystaryn damytý, «China National Building Material Group» kompanııasymen birlesip, shyny zaýyty jobasyn júzege asyrý, sonymen qatar munaı-hımııa , energetıka, taý-ken kompanııalarymen kelissózder júrgizildi.