Asyrap alǵan otbasylar balany qandaı sebeppen keri qaıtarady

Qazaqstanda asyrap alǵan balany araǵa ýaqyt salyp keri qaıtaryp berý faktileri az emes, dep habarlaıdy Kazinform.

«Asyrap alǵan balany qaıtarý faktileri ishinara bolady. Balalardy qaıtarý sebepteri ártúrli, máselen patronattyq ata-ananyń aýyr dertke shaldyǵýy, otbasylyq qıyndyqtar (ajyrasý, jaqyn adamdardyń, erli-zaıyptylardyń bireýiniń qaıtys bolýy), psıhologııalyq úılesimsizdik, taǵy sol sııaqty. Mundaı jaǵdaılardyń múmkindiginshe az nemese múldem bolmaýyn qamtamasyz etý úshin 2020 jyldyń 1 shildesinen bastap bala asyrap alýshylar mindetti psıhologııalyq-pedagogıkalyq daıarlaýdan ótedi», — dep jaýap berdi Oqý-aǵartý mınıstrligi Kazinform saýalyna.

Búginde «Ana úıi» qoǵamdyq qory asyrap alýshy ata-analardy psıhologııalyq daıarlaýdy júzege asyrady jáne olarǵa quqyqtyq kómek pen psıhologııalyq-pedagogıkalyq konsýltatsııa usynady.

Vedomstvonyń usynǵan málimetke sáıkes uıymdardyń jetim balalardy qazaqstandyq azamattardyń otbasylaryna ornalastyrýǵa járdemdesý jónindegi qyzmeti zańmen bekitilgen.

«Jetim jáne ata-anasynyń qamqorlyǵynsyz qalǵan balalarǵa psıhologııalyq kómekti bilim berý uıymdary da júrgizedi. Asyrap alynǵan balalardyń 57% — uldar, 43% — qyzdar. Bala quqyǵyn buzǵany úshin jaýapqa tartylǵan ata-analar týraly statıstıkalyq derekti quqyqtyq statıstıka jáne arnaıy esepke alý komıtetinen alýǵa bolady», — dep túsindirdi mınıstrlikten.