«Ashyq» jobasy: Talapty saqtamaǵan mańǵystaýlyqtyń «qyzyl» statýsta ekeni anyqtaldy

AQTAÝ. QazAqparat - «Ashyq» jobasy arqyly baqylaý júrip jatyr. Bul rette talapty saqtamaǵan mańǵystaýlyq turǵynnan «qyzyl» statýs anyqtaldy. Bul týraly Mańǵystaý oblysynyń Qoǵamdyq kommýnıkatsııa ortalyǵynda ótken brıfıngide oblystyq kásipkerler palatasy dırektorynyń orynbasary Aqqý Aıtjan málim etti, dep habarlaıdy QazAqparat tilshisi.

Onyń aıtýynsha, Aqtaýda 13-18 mamyr aralyǵynda skanerleý kezinde 1 adamnan «qyzyl» statýs rastalyp, taǵy bir turǵynda «sary» statýs tirkeldi.

«Búginde osy jańashyldyqty qoldaný arqyly qabyldanǵan sanıtarlyq sharalarǵa qosymsha baqylaý jasalýda. Al «Ashyq» mobıldi qosymshasy arqyly qalada sanıtarlyq dárigerdiń talaptaryn elemeıtin azamattar anyqtala bastady. Qonaqtar men qyzmetkerlerdiń vırýsty juqtyrý qaýpi tómendegendikten, pılottyq joba karantındik shekteýler kezeńinde bıznestiń qyzmetin jalǵastyrý algorıtmderin ońtaılandyrady», - dedi Aqqý Aıtjan.

Oblystyq kásipkerlik jáne saýda basqarmasynda bul jobaǵa kásipkerlik sýbektileri ǵana emes, sonymen qatar bilim berý jáne mádenı nysandar qosylǵanyn aıtty. Bul tizim aldaǵy ýaqytta áskerı bólimdermen tolyqtyrylady dep kútilýde.

«Ashyq pılottyq jobasyna taǵy 15 kásipkerlik nysandy qosý josparlanyp otyr. Áskerılerdiń eriktiler qataryna qosylýy qýantady. Osy sharalar qalypty rejımge oralýǵa kómektesedi. Kásipkerlik nysandarda qaýipsiz orta qalyptasatyn bolady», - dedi Janna Toqbaeva.

Sondaı-aq, spıkerler «Ashyq» jobasyna qatysatyn kásipkerler arasynda qosymshanyń qoldanylýy tómen deńgeıde ekeni týraly aıtty.

«Júktelgen 283 kodtyń 44-i belsendi emes. 44 kásipker 2 apta ishinde 20 nemese odan az kelýshilerdi skanerlegen. Bul tizim baqylaý tobyna jiberildi. Monıtorıngtiń alǵashqy nátıjesi boıynsha 2 kásipker 2 aptaǵa jobadan ýaqytsha shyǵaryldy», - dedi Aqqý Aıtjan.

Mańǵystaý oblysynda qosymsha 283 nysanda qoldanylady, taǵy 70-i testtik rejımde jumys isteıdi.