AShM qant tóńiregindegi jasandy dúrbeleńge berilmeýge shaqyrady
Kedendik bajdardy engizý- bul iri eksportaýshylar arasynda tanymal emes, biraq nátıjesinde ishki óndiristiń qarqyndy damýyna, ishki naryqta otandyq kásiporyndardyń qaıta óńdelgen taýardyń paıyzdyq araqatynasynyń ulǵaıýyna ákeletin qajetti shara. Aýysý ońaı bolmaıdy, biraq ony memlekettiń azyq-túliktik qaýipsizdigin qamtamasyz etý úshin birlese iske asyrý kerek.
Bul model shıkizat óndirýden qantty iske asyrýǵa deıingi salaaralyq jáne sharýashylyqaralyq baılanysty damytýdy kózdeıdi. Bul qanttyq qyzylsha óndiris óniminiń qunynyń tómendeýine jáne tutynýshylyq suranysty qanaǵattandyrýǵa, búkil aýyl sharýashylyq taýar óndirýshiler tizbeginiń damýyna oń áser etedi. Densaýlyqqa asa paıdaly ónimdi tutynýdy umytpaý kerek, bul bal men ara sharýashylyǵynyń damýyna ákeledi.
Búgingi tańda qant tutyný kóbeıetin maýsymnyń bastalǵandyǵyn, alypsatarlyqty jáne qant qyzylshasynyń jańa óniminiń jınastyrýǵa daıyndyq jaıyn da eskerý qajet. Osyǵan baılanysty, qanttyń shamaly qymbattaýy múmkin, degenmen ol ımporttyq óndiristiń jáne baǵalardyń maýsymdyq aýytqý sheginde bolady.
Sondyqtan salanyń negizgi kórsetkishteri asa qatty tapshylyqty, onyń ústine memlekette qant qorynyń tolyq sarqylýyn kórsetpeıdi. 2018 jyldyń qańtar-maýsym aılaryndaǵy statıstıka málimetterine qaraǵanda, aq qanttyń óndirisi 138,6 myń tonna, eksport 50,7 myń tonna, ımport 121,0 myń tonna boldy. Nátıjesinde alty aı ishindegi tutyný 209 myń tonnany qurady, bul aldyńǵy jylǵa kórsetkishke qaraǵanda 32 myń tonnaǵa az. Qazirgi ýaqytta óńirlik turaqty qorlarda qant qory jetkilikti.
Soǵan oraı Aýyl sharýashylyǵy mınıstrligi qant tóńiregindegi bolýy múmkin jasandy dúrbeleńge berilmeýge shaqyrady. Bul árqashanda baǵanyń joǵarylaýyna soqtyrady.
