Ashhabadta ashylǵan jańa áýejaı Gınnestiń rekordtar kitabyna endi

ASTANA. QazAqparat - Túrkimenstan astanasynda ashylǵan quny 2 mlrd-tan astam dollarǵa teń jańa halyqaralyq áýejaı Gınnestiń rekordtar kitabyna endi. Bul týraly Report portaly habarlady.

Úsh termınaly bar áýejaı bir saǵatta 2000 jolaýshyǵa qyzmet kórsete alady. Áýejaı kez kelgen ushaq túrin qabyldaı alady jáne halyqaralyq standarttarǵa saı qyzmet kórsetedi.

Ashhabadtaǵy Halyqaralyq áýejaıdyń ashylý saltanatyna Túrkimenstan Prezıdenti Qurbanǵuly Berdimuhamedov qatysty. Áýejaı jolaýshylar termınalynyń negizgi ǵımarat tóbesinde álemdegi eń úlken kilem geli (oıý túri) arhıtektýralyq sýreti beınelengendigi úshin Gınnestiń rekordtar kitabyna endi. Bul oıýdyń aýmaǵy 705 sharshy metrdi quraıdy, dep jazady 24.kz.

Aıta keteıik, Túrkimenstan astanasyndaǵy áýe aılaǵyn túrik kompanııasy salyp bergen.