Ashat Oralov jańa qyzmetke taǵaıyndaldy
AQTAÝ.KAZINFORM - Qazaqstan Respýblıkasy Prezıdenti Ákimshiliginiń kelisimi boıynsha, oblys ákiminiń ókimimen Ashat Oralov Mańǵystaý oblysy ákiminiń birinshi orynbasary bolyp taǵaıyndaldy. Bul týraly oblysy ákiminiń baspasóz qyzmeti málimdedi.
Ol buǵan deıin Qazaqstan Respýblıkasy Prezıdenti Ákimshiliginiń Memlekettik ınspektory qyzmetin atqarǵan.
Ashat Oralov 1990 jylǵy 10 aqpanda Pavlodar oblysynda dúnıege kelgen.
L.N. Gýmılev atyndaǵy Eýrazııa ulttyq ýnıversıtetin jáne Reseı Federatsııasy Syrtqy ister mınıstrliginiń Máskeý memlekettik halyqaralyq qatynastar ınstıtýtyn (MGIMO) támamdaǵan. PhD doktory.
Eńbek jolyn 2011 jyly L.N. Gýmılev atyndaǵy Eýrazııa ulttyq ýnıversıtetiniń áleýmettik-tárbıe jumysy departamentinde jastar uıymdarymen jumys jónindegi bólimniń bas mamany bolyp bastaǵan.
2013–2016 jyldary – L.N. Gýmılev atyndaǵy EUÝ-dyń protokol bóliminiń jetekshi mamany.
2014–2016 jyldary – «Nur Otan» partııasynyń Astana qalalyq «Nur» fılıaly tóraǵasynyń birinshi orynbasary.
2016–2018 jyldary – Astana qalasy Jastar saıasaty máseleleri basqarmasynyń basshysy.
2018 jylǵy qańtar–tamyz aılarynda – QR Din isteri jáne azamattyq qoǵam mınıstrliginiń Jastar saıasaty departamentiniń dırektory.
2018–2019 jyldary – QR Qoǵamdyq damý mınıstrliginiń Jastar jáne otbasy isteri komıteti tóraǵasynyń orynbasary.
2019–2020 jyldary – Pavlodar oblysy ákiminiń orynbasary.
2020–2021 jyldary – QR Aqparat jáne qoǵamdyq damý vıtse-mınıstri.
2021–2022 jyldary – Astana qalasy ákiminiń orynbasary.
2022–2023 jyldary – «Nur Otan», «Amanat» partııasynyń Atqarýshy hatshysy.
2023 jylǵy 4 qańtarda Prezıdent Jarlyǵymen Qazaqstan Respýblıkasynyń Mádenıet jáne sport mınıstri bolyp taǵaıyndaldy.
2024–2025 jyldary – Qazaqstan Respýblıkasy Prezıdenti Ákimshiliginiń Memlekettik ınspektory boldy.
Sonymen birge Іzbergenov Erbol Kúreńtaıuly oblys ókiminiń orynbasary laýazymyna taǵaıyndaldy. Basqa qyzmetke aýysýyna baılanysty Asqar Qanybekov oblys ákiminiń orynbasary laýazymynan bosatyldy.