Asan Asylhan: 15 jasymda osyndaı jetistikke jetkenime qýanyshtymyn
ASTANA. KAZINFORM – Frıstaıl-akrobatıkadan Qazaqstan qúramasynyń sportshysy Asan Asylhan Harbınde (Qytaı) ótip jatqan 2025 jylǵy Azııa oıyndarynda kúmis medal jeńip aldy.
QR UOK málimetinshe, bul nátıjege sportshy 15 jasynda qol jetkizdi. Onyń aıtýynsha, endi onyń jospary – Olımpıada oıyndarynyń irikteý kezeńinen ótý.
- Óte baqyttymyn. Bul meniń halyqaralyq deńgeıdegi alǵashqy medalim. 15 jasymda osyndaı jetistikke jetkenime qýanyshtymyn. Bapkerlerime alǵysymdy bildirgim keledi. Bul sportqa men 5 jasymda keldim. Aıta keterlik jaıt, frıstaıl-akrobatıkamen meniń úlken ápkem de aınalysqan. Ókinishke qaraı, qazir ol mansabyn aıaqtady. Balalyq shaǵymda árdaıym ápkemmen birge sportzalǵa baratynmyn. Kishkentaı kezimnen batýtqa qyzyǵatynmyn. Biraz ýaqyt ótkennen keıin sektsııaǵa jazylýdy sheshtim. Meniń alǵashqy bapkerim Elmıra Sabırovna boldy. Qyzyq, men bastapqyda basqa bapkerge jazylýdy oılaǵan edim, biraq Elmıra Sabırovna meni óz tobyna shaqyrdy. Azııa oıyndarynda biz bapkerimiz qoıǵan tapsyrmalardy oryndap, jetistikke jettik. Aldaǵy ýaqytta FIS reıtınginde upaı jınap, Olımpıada oıyndaryna qatysýǵa lıtsenzııa alamyz. Eń basty armanym - Olımpıada oıyndarynda júldege qol jetkizý. Alda kóp jumys tur, biraq bapkerimizdiń basshylyǵymen biz odan ári damyp, nátıjelerimizdi jaqsartyp, ilgeri jyljýǵa tyrysamyz, - dep aıtty Asylhan.
10 aqpanda Qazaqstan sportshylary qandaı nátıje kórsetkenin jazǵan bolatynbyz.