Arzan úı áperemin: Shymkent turǵynyn 2,5 mln teńgege aldaǵan alaıaq ustaldy
Shymkent qalasy polıtsııa departamentiniń Eńbekshi aýdany polıtsııa basqarmasyna «102» arnasy arqyly jergilikti turǵyn aryzdanǵan.
Ol óz aryzynda jolda tanysqan beıtanys azamat «arzan baǵada úı alyp beremin» dep aldaǵany týraly jazyp kórsetken.
Osylaısha senip qalǵan jábirlenýshi esh oılanbastan araǵa ýaqyt salyp 2.500.000 teńge taýyp beredi.
Alaıda alaıaq ýádesin oryndamaı, telefonǵa jaýap bermeı izin sýytady. Amaly qalmaı, aldanyp qalǵanyn túsingen turǵyn polıtsııaǵa shaǵymdanǵan.
Tártip saqshylary atalǵan jaıtty QR QK 190-baby boıynsha tirkep, jedel izdestirý sharalaryna kirisken.
Osy oqıǵaǵa baılanysty polıtsııa qyzmetkerlerinen jedel-tergeý toby qurylyp, istiń aq-qarasyn anyqtaıdy.
Nátıjesinde osy jaıtqa qatysty 50 jastaǵy jergilikti turǵyn ustaldy.
Anyqtalǵandaı alaıaqtyqty kásip etip, ońaı jolmen paıda tabý maqsatynda jábirlenýshini aldap, az ýaqyt ishinde aqsha tabatynyna sendirip, alaıaqtyq jolmen alǵan aqshany óz qajetine jumsaǵan.
Qazirgi tańda sotqa deıinge tergeý amaldary júrip jatyr.
