Arzan úı alyp beremin: Qyzylordada tanysynan 17 mln teńge aldap alǵan áıel ustaldy

QYZYLORDA. QazAqparat - Qyzylordada tanysyn arzan baǵamen úı alyp beremin dep aldap, odan 17 mln teńge jymqyrǵan kúdikti áıel qolǵa tústi, dep habarlaıdy QazAqparat tilshisi.

Kúdikti áıel Qyzylorda qalasynda arzan baǵamen úı alyp beremin dep tanysyn aldaǵan. 48-jastaǵy áıel 2020 jyldyń maýsym jáne tamyz aılarynda jábirlenýshige Qyzylorda jáne Almaty qalasynan úı alyp beremin dep senimine kirigen.

«Osylaısha alaıaqtyq jolmen 17 mln teńge kóleminde aqsha qarajatyn ıemdenip alǵan. Atalǵan derek boıynsha QR Qylmystyq kodeksiniń 190-babynyń 4-bóligimen (Alaıaqtyq) sotqa deıingi tergep-tekserý áreketteri júrgizilýde. Kúdikti azamatsha Qyzylorda qalalyq polıtsııa basqarmasynyń ýaqytsha ustaý ızolıatoryna qamaýǵa alyndy», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada patrýl polıtsııasynyń kóligi aǵashqa soǵyldy.