«Arzan ydys-aıaq alyp beremin»: Mańǵystaýlyq áıel turǵyndardy aldap, 3 mlrd teńge jınaǵan

Mańǵystaýda Qytaıdan tómen baǵaǵa ydys-aıaq aldyryp beremin dep, turǵyndardy 3 mlrd teńgege aldaǵan 39 jastaǵy áıel qamaýǵa alyndy. Onyń ústinen polıtsııaǵa 250-ge jýyq aryz túsken, dep habarlaıdy Kazinform. 

39 jastaǵy kelinshek WhatsApp jelisinde top ashyp, Qytaıdan tómen baǵaǵa ydys-aıaq jetkizetini týraly habarlaǵan. Taýardy jeńildikpen alý mehanızmine múmkindiginshe tapsyrys berýshilerdi kóptep tartqan.

Qazirgi ýaqytta keltirilgen materıaldyq shyǵyn kólemi 3 mlrd teńgege jetken.

«Bul derek boıynsha qylmystyq kodekstiń 190-baby 4-bóligi (Asa iri mólsherdegi alaıaqtyq) boıynsha sotqa deıingi tergep-tekserýdiń biryńǵaı tiziliminde tirkeldi. Qazir 39 jastaǵy áıel qamaýia alynyp, tergeý júrgizilip jatyr», - dep málim etti Mańǵystaý oblysy Polıtsııa departamentiniń baspasóz qyzmetinen.