Arystyqtarǵa kómek kórsetip jatqandardyń ishinde jastar kóp
Kóbinese turǵyndar azyq-túlik, qajetti quraldar, kıim-keshek jınap jatyr. Shamasy kelgender aqshalaı kómek jınap jatyr.
«Munda ne bolǵanyn estigende boıymdy qorqynysh bıledi. Ásirese qorǵansyz qalǵan balalar úshin, analar úshin janym aýyrdy. Men qazir jyly kórpesheler, balalardyń kıimderin ákeldim. Buǵan deıin de ardagerler úıine, balalar úıine kómektesip turatynmyn», - dedi qala turǵyny Mádına Sáken.
Qol ushyn sozǵan azamattardyń ishinde jastar kóp. Olardyń biri stýdent, QHA múshesi - Rýslan Tádjibaev.
«Bul qaı adamnyń bolmasyn basyna túsýi múmkin jaǵdaı. Biz qıyn sátte bir-birimizige kómektesýimiz kerek. Áıtpese adamgershiligimiz qaısysy?», - dedi Rýslan.
Aıta ketý kerek, Almatyda «Jas Otan» jastar qanatynyń bastamasymen «Arys, biz birgemiz» aktsııasy ashyldy.
Taratylǵan habarlamada gıgıena zattary, konserviler, jarma, sý, balalar kıimi, ormala, jamylǵylar, kórpeler qajet delingen.
Jınaq pýnkti Abylaı han kóshesi, 79 mekenjaıy boıynsha ashyldy. Bul pinkt táýlik boıy ashyq tur.
8 747 129 39 69 telefondary arqyly habarlasýǵa bolady.
Sonymen qatar, «Men - almatylyqpyn» qozǵalysynyń belsendileri de ashyp otyr. Olardyń qaıyrymdylyq núktesi Altyn Arystan ýshý mektebinde Jandosov kóshesi, 55/3, (7 701 985 06 08) mekenjaıynda ornalasqan.
Eske sala ketsek, Arys qalasyndaǵy áskerı bólimniń qoımasynda keshe tańerteń jarylys bolǵandyǵy týraly habarlaǵan bolatynbyz. Apat saldarynan eki adam mert boldy.
Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.
