Arystanbek Muhamedıuly: Denıs Tenniń amandyǵyn tilep otyrmyz

ASTANA. QazAqparat - QR Mádenıet jáne sport mınıstri Arystanbek Muhamedıuly mánerlep syrǵanaýshy Denıs Tenge jasalǵan qastandyqqa qatysty pikir bildirdi, dep habarlaıdy QazAqparat tilshisi.

«Almatydan óte sýyq habar jetti. Mánerlep syrǵanaýshy Denıs Ten pyshaq jaraqatynan 3 lıtr qan joǵaltyp, jansaqtaý bóliminde jatyr. Almaty ortalyq klınıkalyq aýýrhanasynyń dárigerleri onyń ómiri úshin kúresip jatyr. Bul úlken qaıǵy, tipti aqylǵa qonbaıdy. Qazir barlyǵymyz Denıstiń amandyǵyn tilep otyrmyz. Men ózim ІІM Qalmuhanbet Qasymov pen Densaýlyq saqtaý mınıstri Eljan Birtanovpen sóılestim. Olar bul oqıǵany ózderiniń jeke baqylaýlaryna aldy. Qazir tergeý júrgizilip, qylmyskerler izdestirilip jatyr», - dep jazdy mınıstr Feısbýktegi paraqshasynda.

Eske sala keteıik, búgin sportshy aýyr jaraqatpen aýrýhanaǵa túsken bolatyn.

Oqıǵa kýágerleriniń aıtýynsha, sportshyny belgisiz adamdar pyshaqtap ketken.

Denıs Ten oń jaq sanynyń joǵarǵy tusynan jaraqat alǵan. Qazirgi tańda aýrýhanada osyǵan baılanysty túrli sala mamandarynyń konsılıým ótip jatyr.