Arysta «Túrkistannyń rýhanı kerýeni» is-sharasy ótti

ARYS. QazAqparat – Túrkistan oblysy, Arys qalasynda Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda «Túrkistannyń rýhanı kerýeni» atty jıyn ótti. Jıynǵa qalanyń zııaly qaýym ókilderi men aýyldyń tóbe bıleri, ájeler alqasy men meshit ımamdary, etno-mádenı ortalyq ókilderi men mekemeler, bólim qyzmetkerleri, jastar jáne qala turǵyndary qatysty, dep habarlaıdy QazAqparat tilshisi.

Túrkistan oblystyq qoǵamdyq damý basqarmasynyń uıymdastyrýymen ótken sharada «Rýhanı jańǵyrý» baǵdarlamasy men din salasyndaǵy memlekettik saıasatty júzege asyrý, dinniń asyl qundylyqtary men ulttyq, mádenı salt-dástúrimiz dáripteldi. Taǵylymy mol jıyndy Arys qalasy ishki saıasat bóliminiń basshysy Álibek Aıbol Sabyrhanuly ashyp, júrgizip otyrdy. Kezdesýge arnaıy qatysqan Qazaqstan Respýblıkasynyń eńbek sińirgen sport sheberi, sambodan úsh dúrkin álem chempıony Ospanov Arman Áshimhanuly jáne Túlkibas aýdanynyń Bas ımamy Serik Maǵaz Arys qalasynyń turǵyndarymen kezdesip, tárbıelik máni zor áńgimelermen qatar tarıhtar syr shertetin, patrıottyq sezimderdi kúsheıtetin erlik, eldik, birlik týraly aıtyldy. Temirjolshylar qalasyna sapary aıasynda Qazaqstan Respýblıkasynyń eńbek sińirgen sport sheberi, sambodan úsh dúrkin álem chempıony A.Ospanov Arystyq boks mektebiniń shákirtterimen kezdesip, jeńiske jetý joldarymen qatar, kóp ter tógip eńbek etý kerektigin aıtty.