Arysta shybyn-shirkeımen kúreske ǵalymdar jumyldyryldy

ARYS. QazAqparat - Arys qalasynyń aýmaǵyndaǵy aýyldarda shybyn-shirkeıdiń kóbeıýi kópshilikti alańdatyp otyr. Tipti keı eldimeken turǵyndary bet álpetin jaýyp turatyn arnaıy kıimdermen júrýge májbúr, dep habarlaıdy QazAqparat tilshisi.

Búgin Arys qalasyna ǵalymdar men arnaıy mamandar keldi.

Túrkistan oblystyq máslıhatynyń depýtaty, «Aýyl» HDPP múshesi Tóregeldi Qulmuratov bastap kelgen top quramynda ál-Farabı atyndaǵy Qazaq ulttyq ýnıversıtetiniń bıolog-etnomology Qarshyǵa Kóshkimbaev, Densaýlyq saqtaý mınıstrliginiń «Ulttyq saraptama ortalyǵy» Túrkistan oblysy boıynsha fılıalynyń mamany Maıra Halyqova, Shymkent obaǵa qarsy kúres stantsııasynyń zoology Dosbol Eńkebaev pen Maksım Kýzmın, bıo-óńdeýge arnalǵan preparattar boıynsha mamany Sandýǵash Qalmuratova bar.

Ǵalymdardyń aıtýynsha, olar eń aldymen shirkeılerdiń oshaǵyn anyqtap, túr-túsi men kólemin jáne erekshelikterin zerdeleıdi.

Sodan keıin ǵana oǵan qarsy qandaı preparat paıdalanǵan tıimdi ekendigin naqtylaıdy.

Eń aldymen Shógirli, Baıyrqum, Qojatoǵaı, Jıdeli aýyldyq okrýgterinde birneshe kún baqylaý júrgiziledi.

Toǵandar men ózenderdiń, sondaı-aq Kóksaraı sý rettegishiniń jaǵalaýyna tolyǵymen zerdeleý jumystaryn júrgizgennen keıin tıisti qorytyndy shyǵarady.

Sonyń negizinde ákimdik tarapynan jándikterdi ýlaýǵa tıisti bıologııalyq preparattar alynyp, óńdeý jumysy júrgizilmek.