Arys qalasynda vagon shyǵaratyn zaýyt iske qosylady
Bul ótken jyldyń tıisti kezeńimen salystyrǵanda 121 paıyzǵa nemese 203 mln teńgege artyq. Bul týraly óńirlik kommýnıkatsııalyq qyzmetiniń kóshpeli brıfınginde qala ákimi Murat Qadyrbek málimdedi.
Onyń sózinshe, ónerkásip salasynda óndirilgen jalpy ishki ónim kólemi 25 mlrd 367 mln teńgeni quraǵan.
«Arys qalasynda quny 250 mln teńgeni quraıtyn bir joba iske qosylyp, jańadan 50 jumys orny ashyldy. Atap aıtqanda jylyna 18 mln lıtr mıneraldy jáne basqa da alkogolsiz sýsyndar shyǵarýǵa qaýqarly «Arys mıneraldy sý» JShS quryldy. Odan bólek, quny 245 mln teńgelik 4 joba iske qosylyp, nátıjesinde 85 jańa jumys orny ashyldy. Aldaǵy ýaqytta qurylys materıaldaryn óndiretin óndiris oryndaryn qosý josparlanyp otyr. Sonymen qatar, sheteldik jáne jergilikti kompanııalar birlesip, jylyna 12 myń dana tolyq tsıkldy vagondar shyǵaratyn zaýytty iske qosady», - dedi qala basshysy.
Qalada 12 mlrd 521 mln teńgeniń aýyl sharýashylyǵy ónimderi óndirilip, naqty kólem ındeksi 93,6 paıyzdy qurady. Bıyl 22900 gektarǵa egis egý josparlansa, 27676 gektarǵa dán sebilip, jospar 120,9 paıyzǵa oryndalǵan. Sondaı-aq, bıyl 6 gektar jerge jylyjaı salý kerek bolsa, 6,1 gektar jerge jylyjaı salynyp jospar artyǵymen oryndalǵan.
Jyl basynan beri Arys qalasyna tartylǵan ınvestıtsııa kólemi 6 mlrd 108 mln teńgeni quraǵan. Bul ótken jyldyń tıisti kezeńimen salystyrǵanda 1 mlrd 107 mln teńgege artyq.
