Arys qalasynda 26 eldi meken tabıǵı gazben qamtylady

TÚRKІSTAN. QazAqparat  - Toǵyz joldyń torabynda ornalasqan Arys qalasyna alǵash ret kógildir otyn tartyla bastady.  Búginde shaǵyn shaharda alǵash ret gazdandyrý jumystary júrgizilýde, dep habarlaıdy QazAqparat tilshisi.

Túrkistan oblysy ákiminiń baspasóz qyzmetiniń málimetinshe,  Aqdala jáne Qojatoǵaı aýyldyq okrýgterindegi eldimekenderine  tabıǵı gaz qubyrlary tartylýda. Bul jumystarǵa oblystyq bıýdjetten 88,9 mln teńge qarjy qaralǵan.

«Birinshi kezeń boıynsha nysannyń qurylys jumystaryn júrgizýge oblystyq bıýdjetten bıyl 884 mln teńge, 2019 jylǵa 500 mln teńge, 2020 jylǵa 1581,0 mln. teńge qarjy qaralyp otyr. Ekinshi kezeńniń qurylys jumystaryna respýblıkalyq qazynadan 719,8 mln teńge, 2019 jylǵa 219,7 mln teńge qarjy bólinýde. Al, kezeńde 567,0 mln. teńge ıgerilmek. Eger osy jumystar aıaqtalsa, qalamyzdyń 50 myńǵa jýyq halqy kógildir otynǵa qol jetkizedi. Jalpy 2018-2025 jyldary qalaǵa qarasty 26 eldi mekendi tabıǵı gazben qamtamasyz etý josparlanýda. Bul qala halqynyń 99,5% quraıtyn bolady», - dedi Arys qalasynyń ákimi Qadyrbek Murat.

Arysta sondaı-aq  aýyz sý máselesi de ońtaıly sheshilip jatyr. Qazirgi tańda qalanyń Taldyqudyq jáne Otyrar turǵyn aýdanyndaǵy magıstraldy sý ótkizgish toraptarynyń qurylys jumystary júrgizilýde. Smetalyq quny 803,024 mln. teńgeni quraıtyn nysannyń  qurylys jumystary -tken jyly bastalǵan. Jospar boıynsha torap jyl sońyna deıin tapsyrylady dep kútilýde.